________________ પ્રકાશકીય ) ‘ટપાલ દ્વારા તત્ત્વજ્ઞાન' માસિકમાં, “ઇતિહાસની ઝલકો” નામનો વિભાગ- પ્રત્યેક અંકમાં આપવામાં આવે છે. ત્રણ વર્ષના છત્રીસ અંકો સુધી ચાલનારા આ વિભાગને સંપૂર્ણપણે અમે પુસ્તક રૂપે પ્રકાશિત કરી રહ્યા છીએ. જૈન શાસનના ઇતિહાસનાં અનેક પાત્રોની અનેક અ-શ્રુત વાતો આ ઝલકોમાં તમને વાંચવા મળશે; અને તેમાંથી નિતનવી સુંદર જીવન જીવવા માટેની પ્રેરણા મળશે. જૈનોનો ભૂતકાળ કેટલો ગૌરવવંતો હતો ? તેમાં બનેલી ઘટનાઓ કેટલી જીવંત છે ? કેટલી બોધપ્રદ છે? એની જોરદાર પ્રતીતિ આ ઝલકો વાંચતાં તમને થયા વિના રહેશે નહિ. સહુ ઝલકોને વાંચે અને સ્વયં ભાવિ પેઢીના દૃષ્ટિકોણમાં આવનારા ઇતિહાસની એક ઝલક બને એવી અમારી અંત:કરણની અભિલાષા છે. લિ. ટ્રસ્ટીમંડળ કમલ પ્રકાશન ટ્રસ્ટ તા. 16-6-80
