Page Text
________________ જૈન ઇતિહાસની ઝલકો 127 તેને લઈને ગણિકા રાજા પાસે આવી. રાજાએ વૈશાલી જીતી આપવામાં મદદગાર થવા જણાવ્યું. તે ભ્રષ્ટ મુનિ વૈશાલીમાં ગયો. તેણે જોયું કે તેમાં જે મુનિ સુવ્રત સ્વામીજીનો સ્તૂપ છે તેના પ્રભાવે વૈશાલી જીતાતી નથી, માટે તેને યુક્તિથી દૂર કરવો જોઈએ. આથી તેણે લોકોને ઊલટું કહ્યું કે, “તે સ્તૂપના કારણે વૈશાલી મુશ્કેલીમાં છે માટે તેને દૂર કરવો જોઈએ. જેવો તેને દૂર કરવાનો યત્ન કરશો તેવો જ તેનો પરચો થશે. કોણિકના સૈન્યમાં નાસભાગ થવા લાગશે.” | મુનિએ કોણિકને કહી રાખ્યું કે, “સ્તુપ તોડવાનું શરૂ થાય કે સૈન્યમાં નાસભાગ કરાવવી.” સઘળું તે મુજબ થયું. ઉત્સાહિત થઈને વૈશાલીવાસીઓએ સ્તૂપ તોડી નાખ્યો. પ્રતિમાજીને દૂર કરી. અને..... કોણિક તૂટી પડ્યો. ચેડા મહારાજા તે પ્રતિમાજીની રક્ષા કરવા માટે તેને લઈને કૂવામાં પડ્યા. દેવે પ્રતિમા ઝીલી લીધી, ત્યાં જ અનશન કરીને તે સ્વર્ગે ગયા. કોણિકે વિજય મેળવ્યો. વિશ્વમાં યુદ્ધોમાં સૌથી વધુ સંહાર - એક કરોડ એંસી લાખ માણસોનો - આ સમયે થયો હતો. કોણિક મરીને છઠ્ઠી નરકે ગયો. [233] અટ્ટનમલા ઉજ્જયિનીના રાજા જિતશત્ર પાસે અટ્ટન નામનો જબરો મલ્લ હતો. તે હંમેશ માટે અજય હતો. સોપારક નગરના અનેક મલ્લોને તેણે હરાવીને પુષ્કળ બક્ષિસો મેળવી હતી. આથી ચિંતાતુર બનેલા ત્યાંના રાજાએ માસ્મિક નામનો નવો મલ્લ તૈયાર કર્યો. પૂરી તાલીમ અને તૈયારી પછી તેને અટ્ટન સામે કુસ્તીમાં ઉતારવામાં આવ્યો. રાજાની મહેનત સફળ થઈ. માસ્મિક વિજયી બન્યો. અટ્ટનની “કાંઈક' ઉંમર થઈ જવાથી હવે તે માસ્મિક સાથે ફરીથી લડીને વિજય મેળવી શકે તેમ ન હતું. આથી તેણે ભરૂચ જિલ્લાના ધરણી ગામના કોઈ કદાવર ખેડૂતને મલ્લવિદ્યા શીખવી. તેનું નામ ફલહીમલ્લ રાખ્યું. તેને પૂરેપૂરો તૈયાર કરીને માસ્મિક સાથે કુસ્તીમાં ઉતાર્યો. કેટલાય દિવસો ગયા પણ કોઈ પરિણામ ન જ આવે. બંને બરોબર લડતા હતા અને કોઈને જીતવા દેતા ન હતા.
| SR No. | 032845 |
| Book Title | Jain Itihasni Zalako |
| Original Sutra Author | N/A |
| Author | Chandrashekharvijay |
| Publisher | Kamal Prakashan Trust |
| Publication Year | 1980 |
| Total Pages | 210 |
| Language | Gujarati |
| Classification | Book_Gujarati |
| File Size | 14 MB |