________________ પ્રશ્નવ્યાકરણ સૂત્ર - 2 શ્રી પ્રશ્નવ્યાકરણ સૂત્રના આ બીજા લેખમાં હવે છથી દશ અધ્યયનની વિચારણા કરીશું. ‘સુખના અર્થી આત્માએ અહિંસાદિ પાંચ સંવરનું અણિશુદ્ધ પાલન કરવું જોઈએ’ આ હિતોપદેશ આપતા અંતિમ પાંચ અધ્યયનમાં ક્રમશ: અહિંસા, સત્ય, અચૌર્ય, બ્રહ્મચર્ય અને અપરિગ્રહનો માર્ગ બતાવ્યો છે. દરેકનું સ્વરૂપ, ફળો અને તે તે દરેકની પાંચ પાંચ ભાવનાઓનું પણ નિરૂપણ કર્યું છે. હિંસાદિ પાંચ આશ્રવનો નિરોધ એટલે જ અહિંસાદિ પાંચ સંવર. જે મહાવ્રત સ્વરૂપ છે, સમસ્ત લોકનું હિત કરનારા છે, શ્રુતસમુદ્રમાં ઉપદેશેલા છે, તપ અને સંયમને સફળ કરનારા છે, નરકાદિ ગતિનો નાશ કરનારા છે, અનંતા તીર્થકરોએ ઉપદેશેલા છે, કર્મરૂપી રજને દૂર કરનારા છે, અનેક ભવોનો અંત કરનારા છે, હજારો દુ:ખોથી બચાવનારા છે, શાશ્વત સુખને આપનારા છે, કાયર પુરુષો માટે દુસ્તર છે, સપુરુષો દ્વારા સેવિત છે અને જે ભગવાન મહાવીરે પ્રરૂપેલા છે. આમ, શરૂઆતમાં પાંચેયની સમષ્ટિગત વાત કર્યા પછી છઠ્ઠા અધ્યયનમાં અહિંસાનો મહિમા દર્શાવતાં કહ્યું છે કે, જેમ ભયભીતને શરણ, તરસ્યાને પાણી, ભૂખ્યાને ભોજન, ડુબતાને જહાજ, પશુને રક્ષણ, રોગીને ઔષધ અને ભૂલ્યાને ભોમિયો જેમ સુખદાયક છે તેમ અહિંસા ત્રણ 76aa આગમની ઓળખ
