________________ વર્ધમાન તપોનિધિ, ગુરુગચ્છવિશ્વાસધામ પૂજ્યપાદ આચાર્યદેવ શ્રીમદ્ વિજય ગુણયશસૂરીશ્વરજી મહારાજા જાજવલ્યમાન જિનભક્તિ અને ગૌરવવંતી ગુરુ-ગચ્છભક્તિના તાત્કાલીક ફળરૂપે સહજ મન:પ્રસન્નતા અને ગૌરવવંતી સમાધિ સિદ્ધિને સાધનારા એક વિરલ-વિશિષ્ટ વ્યક્તિત્વનું નામ છે, વર્ધમાન તપોનિધિ પૂ.આશ્રીમદ્ વિજય ગુણયશસૂરીશ્વરજી મહારાજા! ગુજરાતના વાયવ્ય ખૂણે, બનાસકાંઠાના ભૂષણ સમા શ્રી ભોરોલતીર્થના આંગણે મા-સંજીબેન અને પિતા - સ્વરૂપચંદના દ્વિતીય સુપુત્રરૂપે જન્મેલા “ગગલદાસ' ને પિતાની છત્રછાયા કેટલાક મહિનાની અને માતાની છત્રછાયા કેટલાક વર્ષોની જ મળી. જન્મ જન્માંતરનાં સુકતો એવાં લાગ્યાં કે ધીંગાધણી શ્રી નેમિનાથ દાદાની મન ભરીને ભક્તિ કરી આત્માને પુષ્ટ કર્યો. ધંધાર્થે રાજનગર - અમદાવાદ આવ્યા અને ઉપાશ્રયે-ઉપાશ્રયે ફરીને સદ્ગુરુરૂપે સંઘસ્થવિર પૂ.આ.શ્રી. વિજય સિદ્ધિસૂરીશ્વરજી (બાપજી) મહારાજાને શિરસાવંદ્ય કર્યા. વ્યાખ્યાન વાચસ્પતિ પૂ.આ.શ્રી. વિજય રામચંદ્રસૂરીશ્વરજી મહારાજાના પ્રવચન-શ્રવણે ઊંડી સમજ, દઢ શ્રદ્ધા
