Page Text
________________ પ્રકાશકીય હજારોના તારણહાર, જિનવાણીના જાદુગર, જૈનશાસન શિરતાજ, દીક્ષાયુગપ્રવર્તક, તપાગચ્છાધિરાજ પૂજ્યપાદ આચાર્યદેવેશ શ્રીમદ્ વિજય રામચંદ્રસૂરીશ્વરજી મહારાજાના સંયમ સ્વીકાર ક્ષણને આગામી વિ.સં.૨૦૭૩ના પોષસુદ 13 મંગળવાર તા. ૧૦-૧-૨૦૧૭ના 104 વર્ષ પૂરાં થવા સાથે તેઓશ્રીમના સુવિશાળ સંખ્યક શિષ્ય-પ્રશિષ્યાદિ વર્ગમાં તેઓશ્રીના શિષ્યત્વ અને પ્રશિષ્યત્વને પામવાનું સૌભાગ્ય ધરાવતા વર્ધમાન તપોનિધિ પૂજ્યપાદ આચાર્યદેવ શ્રીમદ્ વિજય ગુણયશસૂરીશ્વરજી મહારાજા અને પ્રવચન પ્રભાવક પૂજ્યપાદ આચાર્યદેવ શ્રીમદ્ વિજય કીર્તિયશસૂરીશ્વરજી મહારાજાના સંયમ-સ્વીકારની પુનિતક્ષણને વિક્રમ સંવત ૨૦૭૩ના પોષ સુદ - 14 બુધવાર તા. ૧૧-૧-૨૦૧૭ના પુણ્યદિને 50 વર્ષ પૂર્ણ થઈ રહ્યાં છે. આજના દોડધામવાળા જીવનમાં માણસ 50 વર્ષ પૂરાં કરે તો ય ઉપલબ્ધિ મનાય છે, ત્યારે સંયમ સ્વીકારને 50 - 50 - વર્ષ પૂર્ણ થવાની ઘટના ધર્માત્માઓની રોમરાજીને વિકસ્વર કરે તેવી છે. ઉપકારી પૂ.આચાર્ય ભગવંતોની જુગલજોડીએ ર૪૨૪ વર્ષનો સ્વર્ણિમકાળ શાસન શિરતાજ, તપાગચ્છાધિરાજ પોતાના પરમ ગુરુદેવેશની સેવા-સુશ્રુષા અને કૃપાસંપાદનમાં વીતાવ્યો, એ જ ફળવિપાકરૂપે ત્યારપછીના એટલા જ સમયગાળામાં ભારત અને વિશ્વના જૈનસંઘો અને પુણ્યાત્માઓ કલ્પી પણ ન શકે તેટલાં શાસન આરાધના, પ્રભાવના અને સુરક્ષાનાં અગણિત કાર્યો કર્યા - કરાવ્યાં છે. આ કાર્યોની સૂચી પણ પાનાંઓનાં પાનાં ભરાય તેટલી લાંબી થાય. જૈનશાસનનો કોઈપણ વિભાગ એવો નથી કે જેમાં પૂજ્યશ્રી ઝળક્યા ન હોય. પોતાના પુણ્ય અને પ્રતિભાથી પ્રત્યેક ક્ષેત્રો લાભાન્વિત બનેલાં છે. કંઈકેટલાયની હૃદયભૂમિ પર બનેલા દેવાલયમાં શ્રદ્ધાની વેદિકા ઉપર પૂ.આચાર્યશ્રીજી આધ્યાત્મિક દેવતારૂપે ચિર-પ્રતિષ્ઠિત થયેલા છે. - પૂજ્યપાદ તપાગચ્છાધિરાજશ્રીજીના ૧૦૪માં સંયમ સ્વીકાર વર્ષ ક્ષણે તથા ઉભય સૂરિરાજના દીક્ષા - સ્વીકારના અર્ધશતાબ્દી - સુવર્ણ વર્ષ - અવસરે દેવ-ગુરુ અને સંઘભક્તિનાં અવનવાં અનુષ્ઠાનો યોજી તેઓશ્રીના અઢળક સુકૃતોની અનુમોદના કરી નિજ જીવનને પણ અધ્યાત્મ - માર્ગમાં ઊર્ધ્વગામી પ્રેરણા આપવા માટે ઉપકૃત ગુરુભક્તો જ્યારે પ્રયાસરત બન્યા છે, ત્યારે કલિકાલમાં જૈનશાસનના પ્રવર બે આધારપૈકી એક: પિસ્તાળિસે આગમગ્રંથોનો અલ્પ પરિચય આપતા આગમની ઓળખ” પુસ્તકનું સન્માર્ગ પાક્ષિકના આધારે પ્રણયન થયું છે. સૌ કોઈ એને વાચી, વિચારી, પ્રચારી એના આદર્શમાં મુક્તિમાર્ગ નિરખી, એના પર યથાશક્તિ ગમન કરી શાશ્વતસુખને પામો એ જ શુભાભિલાષા. -સન્માર્ગ પ્રકાશન વિ.સં. 2073 કાર્તક સુદ 11, ઉભય પૂજ્યોનો ગણિપદ દિવસ
| SR No. | 032830 |
| Book Title | Agamni Olakh |
| Original Sutra Author | N/A |
| Author | Vijaykirtiyashsuri |
| Publisher | Sanmarg Prakashan |
| Publication Year | 2017 |
| Total Pages | 242 |
| Language | Gujarati |
| Classification | Book_Gujarati |
| File Size | 13 MB |