Page Text
________________ પ્રથમ ગણધર શ્રી ગૌતમ મહારાજા સાથે તેમનો મેળાપ, હૈયાની સરળતા સાથેની તેમની તત્ત્વ જિજ્ઞાસા, પ્રભુ વીરના સમવસરણમાં આગમન અને પ્રભુએ કરેલું તેઓની શંકાઓનું સમાધાન. આ વાતો વર્ણવાયેલી છે. આ જ શતકના દશમા ઉદેશામાં જીવાસ્તિકાયાદિ પાંચે અસ્તિકાયનું સ્વરૂપ બતાવેલું છે. ત્રીજા શતકમાં શ્રી અગ્નિભૂતિ અને શ્રી વાયુભૂતિ ગણધર દ્વારા પૂછાયેલા પ્રશ્નો છે. અહીં તામલી તાપસનું સંપૂર્ણ જીવન પણ છે. ચોથા શતકમાં છ લેશ્યા, પાંચમા શતકમાં સૂર્ય આધારિત રાત-દિવસની ઘટમાનતા અને બાળમુનિ અઈમુત્તાના જીવનનાં મુખ્ય પાસા છે. સંસારી જીવોને બંધાતા આઠ કર્મોનો વિસ્તાર છઠ્ઠા શતકમાં છે, તો સાતમા શતકમાં અન્ય તીર્થિક કાલોદયીએ કરેલી પંચાસ્તિકાયની ચર્ચા છે. આઠમા શતકમાં રાગ-દ્વેષથી મુક્ત પરમાત્મા વીરે અન્ય તીર્થિકોના મિથ્યાવાદોનું નિરાકરણ કરી સત્યવાદોનું સ્થાપન કરેલ છે. જંબુદ્વીપનું વર્ણન, ગાંગેયઋષિનો પ્રશ્નોત્તર અને જમાલિ અણગારની વાત નવમાં શતકમાં છે. દશમા શતકથી લઈને શતક વીશ સુધીમાં ક્રમશઃ જીવ અને કર્મનો સંબંધ, શિવરાજર્ષિનું જીવન, સુદર્શન શ્રેષ્ઠીની સાધના, શંખ નામના શ્રમણોપાસકની કથા, શ્રાવિકા જયંતીના પ્રશ્નો, સાત નરકનું વિસ્તૃત વર્ણન, રાજર્ષિ ઉદાયનનું ચરિત્ર, રો વિ તુન્હા પટ્ટ વિલેસમUTUત્તા મવિસામો xxx શબ્દોમાં પરમાત્મા મહાવીર સ્વામીએ શ્રી ગૌતમ સ્વામીને આપેલું આશ્વાસન, અંબડ પરિવ્રાજક, ગોશાલકનું જીવન, શ્રમણ જીવનનો મહિમા, શક્રેન્દ્રના પ્રશ્નો, કૃણિક રાજાના ઉદાયી અને ભૂતાનન્દ નામના ગજરાજની ભાવી ગતિનું વર્ણન, કાર્તિક શેઠની શકેન્દ્ર તરીકેની ઉત્પત્તિ, દેવોની લેશ્યા વગેરે અનેક પદાર્થો વર્ણવાયા છે. ત્યાર બાદ અંતિમ ૨૦થી 41 સુધીના શતકમાં આ આગમ બહુ ઝડપથી આગળ વધ્યું છે. નાના કદને ધરાવતા અંતિમ શતકોમાં મુખ્યતાએ નીચેના પદાર્થો બહુ રોચક શૈલીમાં આલેખાયા છે. ૧-વનસ્પતિનાં મૂળ, કંદ, સ્કન્ધ, છાલ, શાખા, પ્રવાલ (કૂણાં પાન), પાંદડા, ફૂલ, ફળ અને બીજ. 40 | આગમની ઓળખ
| SR No. | 032830 |
| Book Title | Agamni Olakh |
| Original Sutra Author | N/A |
| Author | Vijaykirtiyashsuri |
| Publisher | Sanmarg Prakashan |
| Publication Year | 2017 |
| Total Pages | 242 |
| Language | Gujarati |
| Classification | Book_Gujarati |
| File Size | 13 MB |