________________ શ્રીભગવતી વ્યાખ્યા પ્રજ્ઞપ્તિસૂત્ર-૧ अंगेसु जा सुवण्णा, सुवण्णपूइया पइपयं भगवई / भवगईण निहंती, संतसरण्णा सुयमई / / બારે અંગોમાં જે સારા (સુવિસ્તૃત) વર્ણ અક્ષરો) વાળી છે, જે પદે પદે સુવર્ણ મુદ્રાઓથી પુજાયેલી છે, જે સંસાર (ભાવ)ના ભ્રમણને હણનારી છે, જે સાધુ ભગવંતો માટે શરણ્ય છે, જે શ્રુતથી સમૃદ્ધ છે; તે છે શ્રી ભગવતી સૂત્ર. જૈનશાસન એટલે જિનેશ્વરનું પ્રવચન. તે પ્રવચનોને ગણધર ભગવંતોએ દ્વાદશાંગી રૂપે ગૂંથ્યાં છે. દ્વાદશાંગી એટલે એક એક કરતાં બમણું બમણું પ્રમાણ ધરાવતાં બાર અંગ આગમો. તેમાં બારમા અંગ આગમનું નામ દૃષ્ટિવાદ, આ દૃષ્ટિવાદમાં ચૌદ પૂર્વનો સમાવેશ હોવાથી તે સૌથી વિસ્તૃત આગમ હતું. જે કાળ દષ્ટિવાદ-ચૌદપૂર્વ વિદ્યમાન હતાં ત્યારે પણ તેના વિષયોનો બહોળો વ્યાપ અને અર્થગાંભીર્ય આદિના કારણે તેનું અધ્યયન કરનારા શ્રમણો અલ્પ સંખ્યામાં હતાં. પ્રભુ વીરના નિર્વાણ બાદ હજાર વર્ષમાં બુદ્ધિ-મેધાની અલ્પતાના કારણે દૃષ્ટિવાદ ક્રમશઃ સંપૂર્ણતયા વિચ્છિન્ન થયું. તે પછીના કાળમાં માત્ર અગ્યાર અંગનું અધ્યયન-અધ્યાપન ગુરુ પરંપરાક્રમે ચાલતું રહ્યું. તેથી આજે વિદ્યમાન આગમ ગ્રંથો તથા ચરિત્રગ્રંથોમાં અગ્યાર અંગના પાઠી મહાપુરુષોનો ઉલ્લેખ વિપુલ પ્રમાણમાં 32 || આગમની ઓળખ
