________________ સૂત્રકૃતાંગ સૂત્ર-૧ પ્રભુવચન, મોહવિષને ઉતારવા માટે મંત્રતુલ્ય છે. મોહના અનેક પ્રકાર છે. શબ્દાદિ વિષયો હોય કે ક્રોધાદિ કષાયો હોય, મિથ્યાત્વ હોય કે અવિરતિ હોય, પ્રમાદ હોય કે અશુભયોગ હોય : આ બધા મોહનાં જ ચહેરામહોરા છે. દરેક પ્રકારના મોહવિષને ઉતારનાર જો કોઈ હોય તો એક માત્ર પ્રભુવચન છે. પ્રભુના આ સાક્ષાત્ વચનોનો નિર્દેશ આગમગ્રંથો કરે છે. પૂર્વકાળમાં તે આગમગ્રંથો ચોર્યાસી (84) હતા. તેમાંથી માત્ર 45 આગમ આજે ઉપલબ્ધ છે. તેમાં શ્રી આચારાંગ સૂત્રની અલ્પ ઓળખ મેળવ્યા પછી હવે શ્રી સૂત્રકૃતાંગ સૂત્રનો કાંઈક પરિચય મેળવીએ. શ્રી સૂત્રકૃતાંગ સૂત્ર દ્વિતીય અંગ સૂત્ર છે. પંચમ ગણધર શ્રી સુધર્માસ્વામીજી મહારાજા સ્વયં આ આગમના રચયિતા છે. રચનાકાળે તેનું પ્રમાણ 3600 પદનું હતું. વર્તમાનમાં આ આગમ માત્ર ર૧૦૦ શ્લોક પ્રમાણ વિદ્યમાન છે. બાકીનો મોટો ભાગ આજે નાશ પામ્યો છે. દરેક આગમગ્રંથોના જે મહત્તમ ભાગો નાશ પામ્યા તેમાં અનેક પરિબળો નિમિત્ત બન્યાં છે. તે અંગે પ્રાસંગિક થોડી વાત કરી આગળ વધશું. પૂર્વના કાળમાં આગમગ્રંથો ગણિપિટક તરીકે ઓળખાતા. ગણિ એટલે આચાર્ય. પિટક એટલે પેટી. આચાર્યોની શ્રુતપેટી. સંપૂર્ણ દ્વાદશાંગી આચાર્ય ભગવંતોના અધિકારમાં રહેતી. ગણધર ભગવંતોથી 12 || આગમની ઓળખ
