________________ આચારાંગ સૂત્ર-૨ આચારાંગ સૂત્ર, આ નામ જ તેના વિષયને સ્પષ્ટ જણાવે છે. સંયમજીવનનો સ્વીકાર કરનાર શ્રમણે જ્ઞાનાચારાદિ પાંચ આચાર કઈ રીતે પાળવા એ આ આગમનો વિષય છે. આચારાંગ સૂત્રના પહેલા શ્રુતસ્કંધનું નામ આચાર છે. જેનાં નવ અધ્યયનોમાં મુખ્યત્વે શ્રમણ જીવનનો નિશ્ચયના લક્ષ્યપૂર્વકનો ઉત્સર્ગ માર્ગ નિર્દેશાયો છે. 1. શસ્ત્રપરિજ્ઞા : શસ્ત્ર એટલે હિંસાનું સાધન. પરિજ્ઞા એટલે બોધ અને તેને અનુકૂળ આચરણ. હિંસાનાં સાધનોનો બોધ. 177 સૂત્રમાં જીવ -હિંસા થાય તેવી શસ્ત્ર તુલ્ય પ્રવૃત્તિની ઓળખ આપી તેનાં કટુ પરિણામો બતાવ્યાં છે અને હિંસક પ્રવૃત્તિના ત્યાગનો ઉપદેશ વણાયેલો છે. 2. લોકવિજયઃ 186 સુત્રો દ્વારા સ્વજનની આસક્તિ સંસારનું કારણ છે, તેનો ત્યાગ મુક્તિનું કારણ છે. સાધનામાં શિથિલતા કર્મબંધનું કારણ છે, અપ્રમત્તભાવ કર્મનિર્જરાનું કારણ છે, ગૃહસ્થોનો પરિચય અણગારને રાગનું કારણ છે; જ્યારે પરિચયનો ત્યાગ એ વિરક્તિનું કારણ છે. એવું સમજાવી સંયમીઓને જાગૃતિનો સંદેશ આપ્યો છે. 3. શીતોષ્ણીય H અહીં 87 સૂત્રોમાં શીત એટલે અનુકૂળ અને ઉષ્ણ એટલે પ્રતિકૂળ. બંને પ્રકારના પરીષહોમાં ક્રમશઃ રતિ અને અરતિનો ત્યાગ કરવાનો ઉપદેશ ગૂંથાયો છે. 8 || આગમની ઓળખ
