________________ 9. નમિપ્રવ્રજ્યા. જાતિસ્મરણથી રાજા નમિ વૈરાગ્ય પામ્યા. પ્રવ્રજ્યાનો સ્વીકાર કર્યો. વિલાપ અને આક્રંદ કરતી મિથિલાના મોહને જીતીને આગળ વધ્યા. નખશીખ વિરક્ત નમિરાજર્ષિને બ્રાહ્મણવેશે ઈન્દ્રમહારાજાએ અનેક પ્રશ્નો પૂછડ્યા. પરીક્ષકવૃત્તિથી પુછાયેલા તે પ્રશ્નોના સચોટ અને સાત્ત્વિક ઉત્તરો નમિરાજર્ષિએ આપ્યા. સંતુષ્ટ ઈન્દ્ર પ્રત્યક્ષ થઈ ભાવભીની સ્તુતિ કરી. મુનિવર સંયમમાર્ગે વધુ દઢ થયા. 12 શ્લોક દ્વારા વર્ણિત આ કથામાં ખાસ તો પ્રશ્નોતરી, અધિકાર મુજબ અચુક વાચવા-સાંભળવા જેવી છે. દર્શન નિર્મળ બનશે, વૈરાગ્ય દઢ થશે અને સંયમ નિર્મળતા પામશે, તે ચોક્કસ! 10 દ્રુમપત્રક. જૈનશાસનમાં પ્રસિદ્ધ એવી ‘સમય ગોયમ!મા પમાયએ' આ ધ્રુવપંક્તિ આ અધ્યયનની પ્રત્યેક ગાથાના અંતિમચરણમાં છે. શ્રી વર પરમાત્મા સ્વયં શ્રી ગૌતમ મહારાજાને ઉદ્દેશીને કહે છે કે, “હે ગૌતમ! એક ક્ષણનો પણ પ્રમાદ કરવા જેવો નથી.' કારણ જણાવતાં પ્રભુએ 39 ગાથામાં અનેક માર્મિક વાતો કરી છે. 1. વૃક્ષના પાનની જેમ મનુષ્ય જીવન એક દિવસ ખરી જવાનું છે. ૨.ધર્મહીન જીવોને ફરી મનુષ્યભવ લાંબેગાળે પણ મળવો દુર્લભ છે. 3. એકેન્દ્રિયભવમાં ગયેલા જીવને અસંખ્ય ઉત્સર્પિણી-અવસર્પિણી સુધી બહાર આવવું મુશ્કેલ છે. 4. નિગોદમાં ગયા પછી અનંતકાળ સુધી ભૂલી જવાનું કે ફરીથી માનવનો ભવ મળે! 5. માનવનો ભવ મળશે તો પણ આર્યત્વ, પંચેન્દ્રિય પરિપૂર્ણતા, તત્ત્વશ્રવણ, સુદેવાદિની પ્રાપ્તિ, તત્ત્વશ્રદ્ધા અને ધર્મનું અપ્રમત્ત આચરણ વધુ ને વધુ દુર્લભ છે. પ્રમાદ છોડી અપ્રમત્ત બનવાનો શ્રી ગૌતમ મહારાજાને ઉદ્દેશીને અપાયેલો આ ઉપદેશ પ્રત્યેક સાધકોને માટે ઉપકારક છે, આ વાત ધ્યાન બહાર ન જવી જોઈએ. 188aa આગમની ઓળખ
