________________ પણ ઘરમાં તમારું ધારેલું, તમે ઈચ્છેલું, તમે કહેલું ન થાય એટલે તમે સંક્લેશ કર્યા વિના રહેતા નથી. હવે નક્કી કરો કે આ ટ્રાફિક પોલિસીને અપનાવી હું બધી રીતે સામેવાળાને અનુકૂળ થઈ જઈશ. સામેવાળો ભલે માત્ર ને માત્ર મારી હેરાનગતિ જ કરી રહેલ હોય. છતાં મારે તે સહન કરી મારી ગાડીનો અકસ્માત ટાળી લેવો છે. ટ્રાફિક પોલિસીનો ટૂંકસાર એટલો જ છે કે “જીવનમાં કોણ કેવો વર્તાવ કરે છે ? તે જોઈ જીવવાના બદલે તમારી જીવનની ગાડીને અકસ્માત ન થાય તે રીતે જીવવામાં લાભ છે. જો આખી દુનિયાને સુધારવાની પંચાત કરવા ગયા તો દુનિયા તો સુધરતી સુધરશે, પણ તમારો મહામૂલો માનવભવ અને તમારી મહામૂલી ક્ષમા - એ બન્નેનું તો દેવાળું જ ફેંકવું પડશે.” ચલો, આ ટ્રાફિક પોલિસી અપનાવી ઘરમાં માથાદીઠ મોબાઈલ અને ટી.વી. વસાવનારા લોકોના કાળમાં કંઈક પ્રેમ અને હૂંફનું વાતાવરણ પ્રગટાવીએ, સહાયતા કેળવીએ, સ્વર્ગનું સર્જન કરીએ !!! ઉકેલ જ હાજર જ છે તો પછી ગુસ્સો શા માટે ? જો કોઈ ઉકેલ નથી તો પણ ગુસ્સો શા માટે ? - પ્લેટો. * * . છે કે દ્વારકા * ટો છે . * 229
