________________ 13 અકબર બાદશાહ બેગમ સાથે ઝઘડો કરી તરત જ રાજસભામાં આવ્યો હોવાથી મગજનો પારો ઉપર હતો. મગજ ઘણું જ ગુસ્સામાં હતું. રાજસભામાં આવ્યા પછી પણ મગજમાં અફરાતફરી બોલી રહી હતી. મગજનો તમતમાટ સહેજ પણ ઓછો થયો ન હતો. આખરે રાજસભામાં બિરબલ ઉપર અકબરની નજર પડી. પોતાની બાજુમાં જ તે બેઠો હતો. અકબરે બેગમ ઉપરનો ગુસ્સો બિરબલ ઉપર ઠાલવી દીધો. કચકચાવીને બિરબલને લાફો ઠોકી દીધો. રાજસભામાં વચ્ચોવચ્ચ રાજા અકબર હતો અને આજુબાજુમાં બેગમ તથા બિરબલ ગોઠવાયા હતા. પછી ક્રમશઃ અમીર ઉમરાવો પોતાના મોભા પ્રમાણે ગોળાકારે ગોઠવાયા હતા. બિરબલે મગજ શાંત રાખી પોતાને જે રીતે લાફો પડ્યો તે જ રીતે લાફો પોતાની બાજુમાં રહેલા માણસને ઠોકી દીધો. એ તો હેબતાઈ ગયો. પણ, પછી લાગ્યું કે “આ વસ્તુ તો પાસ કરવાની લાગે છે. બાદશાહે બિરબલને પાસ કરી, બિરબલે મને પાસ કરી, હું આગળ પાસ કરું' - આમ વિચારી તેણે પોતાની બાજુવાળાને લાફો માર્યો. આમ લાફાનું પાર્સલ આખી રાજસભામાં ફરવા માંડ્યું. આ 114
