________________ પ્ર-૩૫ સુખી વિલાસી શાથી થાય ? ઉ. ભોગાન્તરાય, ઉપભોગાંતરાયના ક્ષયોપશમથી. પોતાને મળેલી ભોગ-ઉપભોગની સામગ્રી ભોગવે નહિ, પોતાને ભોગવવાની વસ્તુઓ દાનપુણ્યમાં તથા સાધર્મિકોને દઈને તેમનું પોષણ કરે; તો ઇચ્છિત ભોગ ભોગવી શકે. પ્ર-૩૬ લાંબી આવરદા શાથી પામે ? ઉ. દીર્ધાયુકર્મના ઉદયથી. દ્રવ્ય દઈ કસાઈના હાથમાંથી જીવોને છોડાવે, તે જીવોને ખાન, પાન, સ્થાનની સહાયતા આપે, બંદીવાનને છોડાવે, સંસારનાં કામ પર ઉદાસીનતા રાખી વર્તે, દયાભાવ રાખે, ગરીબ અને અનાથને મદદ કરે, સાધુને નિર્દોષશુદ્ધ આહાર વગેરે આપે; તો લાંબી આવરદાવાળો થાય. પ્ર-૩૭ ઓછી આવરદાવાળો શાથી થાય ? ઉ. અલ્પ આયુષ્યકર્મના ઉદયથી. જીવઘાત કરે, ગર્ભ ગળાવે, આજીવિકાનો નાશ કરે, જૂ, માંકણ વગેરેને મારે, સાધુને ખરાબ અને દુખકારી આહાર વગેરે આપે, શુદ્ધઆહાર લેનાર સાધુને અશુદ્ધ આહારાદિ આપે, અગ્નિ, ઝેર, હથિયાર વગેરેથી જીવોને મારે; તો અલ્પાયુષી થાય. પ્ર-૩૮ હંમેશાં ચિંતાતુર શાથી રહે ? ઉ. ભયમોહનીય આદિના ઉદયથી. ઘણા જીવોને ચિંતા ઉપજે એવી વાતો કર્યા કરે, તો સદા ચિંતાતુરપણું પામે. પ્ર-૩૯ સદા નિશ્ચિત (ચિંતા રહિત) શાથી રહે ? ઉ. ભયમોહનીયના અનુદયથી. બીજાની ચિંતા મટાડે, ધર્માત્મા જીવોને જોઈ ખુશી થાય, દુ:ખથી પીડાતા જીવોને સંતોષ ઉપજાવે; તો હંમેશાં નિશ્ચિત રહે. જૈન ધર્મનું અજોડ કર્મ વિજ્ઞાન 86
