________________ જિનવચને કહેલું પાળ્યું એ જિનવચનની આરાધના છે. ગુણસેન રાજા હૈયાના ભાવથી સંસાર ત્યજી, સંયમની ભાવમાં ધ્યાનમાં બેઠા છે, ત્યાં અગ્નિશર્મા દેવતાએ ધગધગતી અગ્નિમય રેતીનો એમના પર વરસાદ કર્યો. એથી ગુણસેના રાજાના શરીરના રોમરોમ સળગી ઊઠ્યા, રોમરોમ શેકાઈ રહ્યા છે, એ વખતે એ ગુણસેન મહાત્મા આકુળવ્યાકુળ નથી થતા, ક્રોધ નથી કરતા, પરંતુ આ વિચારે છે ગુણસેનની ઉપદ્રવમાં શુભ ભાવના : હે જીવ! તું ધ્યાન રાખજે કે આ અપાર સંસારમાં તને અમૃતસમાં અતિદુર્લભ જિનવચન મળ્યાં છે ! તો એ મળેલાને સાર્થક કરજે. જિનવચનની જ આરાધના કરજે; કાયા, સુખ શીલતા, અહંત્ર વગેરે સંસારની આરાધના નહિ.' એટલે ? જિનવચન ક્રોધને અટકાવી ક્ષમા રાખવાનું શીખવે છે. ત્યારે કાયાની મમતા ક્રોધ કરાવે છે. કાયાની મમતાને લીધે જ “હાય ! મારી કાયાને કોણ બાળે છે ? બાળનાર હરામખોર શું સમજે છે ?' એમ બાળનાર પર ક્રોધ થાય છે. કાયાને બદલે જો જિનવચન પર મમતા હોય તો મનને એમ થાય કે “મારાં જિનવચન શું કહે છે ? ક્રોધ નહિ, પણ ક્ષમા કરવાનું કહે છે. તો હું એ જિનવચને કહેલું જ કરું.' એમ કાયાની આરાધના બાજુએ મૂકી જિનવચનની આરાધના કરવાનું રાખ્યું, એટલે સમજો કે ક્રોધ કરવો એ કાયાની આરાધના છે. ક્ષમાં રાખવી એ જિનવચનની આરાધના છે, બેમાંથી શું સારું ? શું પસંદ કરવા જેવું ? કાયાની શુભ અધ્યવસાય ની કેટકેટલી અસરો નીપજે? 71
