________________ લીધે ચાલે છે, ને વીર્ય શરીરના હિસાબે પ્રવર્તે છે. તેમ, શરીર જીવના આધારે બને છે. આમ કર્મબંધમાં છેવટનું કારણ જીવ હોવાનું આવીને ઊભું રહે છે. આવી તલસ્પર્શી અનેક બાબતો આ પુસ્તકમાં આપણને માણવા મળશે. પૂજ્યશ્રીનો મારા પર વિશિષ્ટ ઉપકાર એ છે કે પાટણ અને ખંભાતની શિબિરોમાં મને તેઓશ્રીની વાણી સાંભળવાનો મોકો મળ્યો. પૂજ્યશ્રીનો ટીચીંગ પાવર ગજબનો હતો. શિબિરમાં શીખેલા ભાષ્યના પદાર્થો આજે પણ સહજ રીતે ઉપસ્થિત થઈ શકે એવી સ્થિતિમાં છે. કમનસીબી એટલી કે દીક્ષા પછી પૂજ્યશ્રીના દર્શન કરવાનો લાભ મળ્યો જ નહીં. પૂજ્યશ્રીને વંદન કરવાનો અવસર જ ન મળ્યો. મુનિરાજશ્રી કલ્પરત્નવિજય મ.એ આ જે મને પૂજ્યશ્રીના પુસ્તકમાં બે શબ્દો લખવાનું આમંત્રણ આપી પૂજ્યશ્રીને-ભાવાંજલી આપવાનો મોકો આપ્યો છે તે બદલ ધન્યવાદ ! “દિવ્યદર્શન' સાપ્તાહિના અંકોમાં વેરાયેલી પૂજ્યશ્રીની ચિંતન ચાંદનીને ગ્રંથસ્થ કરવાનું ભગીરથ કાર્ય મુનિશ્રી કલ્યરત્ન વિજય મ. સા. છેલ્લા કેટલાક વર્ષોથી કરી રહ્યા છે. આ પ્રક્રિજ્યામાં આજ સુધીમાં 83 પુસ્તકો પ્રગટ થઈ ચૂક્યા છે. આ ૮૪મું પુસ્તક “જૈન ધર્મનું અજોડ કર્મ વિજ્ઞાન” રૂપે પ્રકાશિત થઈ રહ્યું છે. પૂજયશ્રીની ચિંતન ચાંદની હવે અજવાળીયામાં જ નહીં અંધારિયા પક્ષમાં પણ સુલભ બની છે. મુનિશ્રી ૫રત્ન મ. આપણા સહુના અભિનંદનના અધિકારી છે. (5)
