________________ પાલકના કાનમાં ધગધગતું સીસુ રેડાવીને ઉપાર્જેલું, તે કર્મ ભારે અશુભ અનુબંધવાળું બાંધ્યું હશે તો એ અનુબંધથી અહીં પાપ બુદ્ધિ કેમ ન થઈ ? કેમ મન બગડ્યું નહિ ? કહો, વચગાળાના વિશ્વભૂતિ મુનિ, પ્રિયમિત્ર ચક્રવર્તી મુનિ, અને નંદન રાજર્ષિના ભવે તપ સંયમાદિની સાધના સાથેના શુભ ભાવોલ્લાસથી અનુબંધ તોડી નાખ્યા, એટલે હવે અનુબંધ વિનાનું એ લુખ્ખ કર્મ ઉદયમાં આવી દુ:ખ આવી ગયું, પણ બુદ્ધિ શાની બગડે ? બુદ્ધિ બગાડનાર પાપાનુબંધો છે. પાપાનુબંધો તૂટી ગયા પછી સુખ-દુઃખ ગમે તેટલા આવે, છતાં બુદ્ધિ ન બગડે, કષાયો ન થાય, દુર્બાન અસમાધિ ના થાય. જીવનમાં કરવા જેવું મહાન કામ આ છે કે પાપ અનુબંધો તોડી નાખો, ને એ માટે શુભ ભાવ ખૂબ કેળવો. એ માટે શુભ સાધના-આરાધના અને જિનવાણીની ઉપાસનામાં રમતા રહો. દેવગુરુ ભક્તિ અને દાન-શીલ-તપના અનુષ્ઠાનોમાં તથા શાસ્ત્રોમાં ચિંતન-મનનમાં લાગ્યા રહો એમાં શુભ ભાવો હૈયામાં ઉપસ્યા કરે એથી પાપાનુબંધો તૂટતા આવે. પાપાનુબંધો તૂટી જાય એ ભવિષ્ય માટે મોટી સલામતિ. કેમકે પછી ભવિષ્યમાં પરલોકમાં પાપિષ્ઠ બનવાનું નહિ આવે. પાપાનુબંધો બુદ્ધિ બગાડીને જીવને પાપરક્ત પારિષ્ઠ બનાવનારા છે. ત્યારે, શુભ ભાવ ના કેવા કેવા મહાન લાભ ! | શુભ ભાવના મહાન લાભ
