________________ પેલા કહે, “સોનૈયાથી જમીન માપી લો એ રીતે સોનૈયાપાથરવા માંડ્યા. તો પેલા કહે, “ગોલ સોનૈયા પાથરવામાં તો વચ્ચે વચ્ચે જગ્યા રહી જાય; માટે ચોખંડા સોનૈયાથી માપો.” તો વિમળશાહે ચોખ્ખા સોનાના નવા ચોખંડા સોનૈયા પડાવ્યા અને આજે દેખાતા વિશાળ મંદિર જેટલી અને મંદિર આસપાસની પણ જગ્યા સોનૈયાથી માપીને લઈ લીધી ! અને એના ઉપર એ કાળના 18 ક્રોડ રૂપિયા ખરચીને ભવ્ય બાવન જિનાલય મંદિર બંધાવી લીધું ! એમાં થાંભલે થાંભલે તથા ઉપર સિલિંગમાં ઝીણી ઝીણી કોતરણી કરાવી ! આટલા બધા રૂપિયાનો ખર્ચ શાના માટે ? તો કહે - “તિમ મુજ મન પ્રભુશું રાખ્યું, બીજાશું હો નહિ આવે દાય” આબૂ પર પ્રભુમાં મારું મન એવું રમી ગયું છે, અર્થાત સાથે એવી પ્રીતડી બંધાઈ ગઈ છે કે બીજા કશાની સાથે મનમાં એવો પ્રેમ જ ઊઠતો નથી. જેને પ્રભુ સાથે પ્રેમ હોય તેને પૈસા કુછ નહિ લાગે. પેથડશાહ : જેમ વિમળશાહ મંત્રીએ તેમ પેથડશાહ મંત્રીએ પણ પ્રભુ સાથે પ્રેમ એવો કર્યો કે ત્યાં ધનનો પ્રેમ મન પરથી ઉતારી નાખ્યો. એનું પરિણામ એવું આવ્યું કે કોઈએ પેથડશાહને કહ્યું કે, “તમે દેવગિરિમાં મંદિર બંધાવો તો ખરા.' પેથડશાહ પૂછે, “કેમ ભાઈ! એમ બોલો છો ?" પેલો માણસ કહે, “દેવગિરિમાં રાજાનો બ્રાહ્મણ મંત્રી હેમલ જૈન ધર્મનો એવો પાકો દ્વેષી છે કે જિનમંદિર ઊભું જ નહિ થવા દે.' પેથડશાહના મનને થયું, “અરેરે!પ્રભુએ મને ઉત્તમ મનુષ્યભવથી માંડી ઢગલો પૈસા અને સમસ્ત માળવાદેશનું મંત્રીપણા સુધી આપી દીધું ! અને હું દેવગિરિમાં એ મહાઉપકારી મારા પ્રભુનું એક મંદિર ન બનાવી શકું ?" પૈસા કરતાં પ્રભુ વહાલા ઉપર દષ્ટાંત 43
