________________ “તો પકડીને લઈ જવા પડશે.' પેલો રિવોલ્વર તાકી કહે છે, “ચાલ્યા જાઓ, નહિતર ખતમ કરી નાખીશ.” દીવાન કહે છે, “અરે ભાઈ શા સારું આમ કરો છો ? કેટલા ને તમે ખતમ કરી શકશો ? આટલા બધાની વચમાં પકડાયા વિના રહેવાના છો ? ત્યારે એ તો જુઓ કે આ પણ તારા ભાઈઓ છે. એમને ખતમ કરવા છે તમારે ? અંતે પકડાવાના તો છો જ, માટે સીધેસીધા ચાલો.' ફોજદાર સમજી ગયો. ચાલ્યો સાથે. એને નવાબની આગળ. લઈ ગયા. નવાબ પૂછે છે, “કેમ વાત સાચી છે કે તમે નગરમાં અનેક સ્ત્રીઓ પર બળાત્કાર કર્યા છે ?' ફોજદારને સખત સજાઃ ફોજદાર શું બોલે ? મોટું કાળું પડી ગયું. નવાબ તરત સમજી ગયો, દીવાનને કહે છે, “લઈ જાઓ આ કૂતરાને નાખો જેલમાં ! મીઠાની રાબ પાજો ને કપડાં ઉતારી એના પર જોરદાર ગેરબનના કોરડા ફટકારજો. બસ, આ તો નવાબનો હુકમ ! લઈ ગયા એને, જેલમાં પૂર્યો, દીવાને જેલરને નવાબનો હુકમ સંભળાવી બરાબર અમલ કરવા સૂચવ્યું. અમલ શરૂ થયો. ફોજદારને માત્ર એક લુંગી લંગોટીભરરાખી મીઠાની રાબ પાવામાં આવે છે અને ખુલ્લા બદન પર ભારે કોરડા ઝીંકવામાં આવે છે ! ખારી અગર રાબ શે' પીધી જાય? પરંતુ બીજું કાંઈ હવે ઊપજે એમ નથી. હવે ફોજદારગીરી નથી, ને આ ન પીએ તો જમના દૂત જેવા સિપાઈઓ એને પકડીને બળાત્કારે પાય છે. એ ખારાશની શરીર પર ઝણઝણાટી ઊઠે છે. એના પર સનનન નનન સાટકા પડે છે ! શી રીતે સહન થાય ? મોટેથી “ઓ મા ! બાપ રે ! ઓય ઓય!'ની મોટી ચીસ પાડે છે ! “એ... હાય હાય ! નહીં સહન વિષય ચિંતામાં - દુરાચારી ફોજદારનો પ્રસંગ
