________________ માનતો કહેતો હોય તો ખોટું નથી ને ? ત્યાં શું એ એમ જોવા જાય કે ઝેરથી ભલે મને આરોગ્ય મળ્યું, પણ મોટાનો આશય તો મને મારી જ નાખવાનો હતો ને માટે એને કાંઈ હિતૈષી ન કહેવાય. “આવું એ ન જુએ ને ? કહો, એને ઝેરથી જે ભયંકર દરદ અને વેદનાથી છૂટકારો મળ્યો એની એના મનને મોટી કિંમત છે. મુખ મિત્ર કરતાં દાનો દુશમન સારો - વેપારીની કથા દિ. દ. વર્ષ -12 અંક 11 દાનો દુશ્મન સારો : મૂર્ખ મિત્ર ખોટો આપણા સારા જીવનની તો દાના દુશ્મન ઉપર પણ અસર પડે છે. દુર્જન પર અસર ન પડે એ જુદી વાત, પણ સજ્જન ઉપર તો અસર પડે ને ? એ તો મનમાં સમજે ને? ભલે કદાચ આપણે ને કોઈ સજ્જનને કોઈ વાત અંગે વિરોધ પડી ગયો હોય, તેથી એ આપણો દુશ્મન બન્યો હોય; પરંતુ જો એ દાનો હોય, ઉદાર સમજદાર સજ્જન હોય તો આપણી લાયકી મનમાં તો સમજતો હોય. માટે તો કહે છે ને કે દાનો દુશ્મન સારો પણ મૂરખ મિત્ર ખોટો. મૂર્ખ મિત્ર પર એવો વિશ્વાસ ન રખાય કે એના તરફથી કોઈ વાર આપણે આપત્તિમાં નહિ મૂકાઈએ. કારણ એ છે કે પ્રસંગ આવ્યું એ મૂર્ખતા એવી કરી બેસે કે, આમ તો આપણા ભલાને જોનારો હોય છતાં તેઓની મૂર્ખતામાં આપણને નુકસાનમાં ઉતારે. મૂર્ખ મિત્રનો દાખલો એક વેપારી સાંજ પડ્યે દુકાનેથી નોકરને સાથે લઈ મોડેથી ઘરે જઈ રહ્યો હતો. રસ્તામાં ગલીની અંદર એક હલકી જાતનો દેવાદાર મળ્યો. મૂર્ખ મિત્ર કરતાં દાનો દુશ્મન સારો - વેપારીની કથા 91
