________________ 20 પ્રતિદ્વાર ૪થું - સ્થાન 6 હોય છે પણ તે વાંદણાની અંતર્ગત ગણાતું નથી. દ્વાદશાવર્ત વંદનમાં આ 25 આવશ્યકોનું અવશ્ય પાલન કરવું. આ 25 માંથી કોઈ પણ સ્થાનની વિરાધના કરનારો, ગુરુવંદન કરવા છતાં ગુરુવંદનથી થતી નિર્જરાનો ભાગી થતો નથી. મન, વચન, કાયાના ઉપયોગવાળો થઈ આવશ્યકોમાં ઓછું કે વધુ કર્યા વિના જેમ જેમ પ્રયત્ન કરે છે તેમ તેમ તેને વધુને વધુ નિર્જરા થાય છે. પ્રતિકાર ૪થું - સ્થાન 6 (1) ઇચ્છા - ઇચ્છા 6 પ્રકારની છે - (1) નામઇચ્છા - ‘ઇચ્છા એવું નામ કે નામવાળી વ્યક્તિ તે નામઇચ્છા. (2) સ્થાપનાઇચ્છા - ઈચ્છાની સ્થાપના કરી હોય તે સ્થાપના ઇચ્છા. (3) દ્રવ્ય ઇચ્છા - સચિત્ત વગેરે દ્રવ્યોની ઇચ્છા અથવા ઉપયોગ વિના હું ઇચ્છું છું' એમ કહેવું તે દ્રવ્યઇચ્છા. (4) ભાવઇચ્છા - તે ર પ્રકારે છે - (i) પ્રશસ્ત ઇચ્છા - જ્ઞાન વગેરેની ઇચ્છા. (i) અપ્રશસ્ત ઇચ્છા - સ્ત્રી વગેરેની ઇચ્છા. અહીં પ્રશસ્ત ભાવઇચ્છાનો અધિકાર છે. (2) અનુજ્ઞાપના - અનુજ્ઞાપના (રજા લેવી) 6 પ્રકારની છે - (1) નામઅનુજ્ઞાપના - “અનુજ્ઞાપના' એવું નામ કે નામવાળી વ્યક્તિ તે નામઅનુજ્ઞાપના.
