________________ દ્વાર ૬૮મું - જંઘાચારણ અને વિદ્યાચારણની ગમનશક્તિ 243 2 43 | દ્વાર ૬૮મું જંઘાચારણ અને વિદ્યાચારણની ગમનશક્તિ | અતિશયવાળી ગમનાગમનની લબ્ધિ જેમની પાસે હોય તે ચારણ. તે બે પ્રકારના છે - (1) જંઘાચારણ - વિશેષ પ્રકારના ચારિત્ર અને તપના પ્રભાવથી જેમને ગમનાગમનની લબ્ધિ મળી હોય છે. તેઓ તીરછું ચકવરદ્વીપ સુધી અને ઉપર મેરુપર્વતના શિખર સુધી જઈ શકે છે. તેઓ સૂર્યના કિરણોનું આલંબન લઈને જાય છે. તેઓ એક છલાંગથી રુચકવરદ્વીપમાં જાય છે. ત્યાં ચૈત્યો વાંદીને પાછા ફરતા એક છલાંગથી નંદીશ્વરદ્વીપમાં આવે છે અને બીજી છલાંગથી પોતાના સ્થાનમાં આવે છે. તેઓ એક છલાંગથી પંડકવનમાં જાય છે. ત્યાં ચૈત્યો વાંધીને પાછા ફરતા એક છલાંગથી નંદનવનમાં આવે છે અને બીજી છલાંગથી પોતાના સ્થાનમાં આવે છે. જંઘાચારણો ચારિત્ર અને તપના અતિશયથી થાય છે. લબ્ધિનો ઉપયોગ કરવાથી ઉત્સુકતા થવાથી પ્રમાદ થાય છે. તેથી તેમની લબ્ધિ ઘટે છે. તેથી જતી વખતે એક છલાંગમાં જાય છે અને આવતી વખતે બે છલાંગમાં આવે છે. (2) વિદ્યાચારણ - જેમને વિદ્યાથી ગમનાગમનની લબ્ધિ મળી હોય છે. તેઓ તીરછું નંદીશ્વરદ્વીપ સુધી જઈ શકે છે અને ઉપર મેરુપર્વતના શિખર સુધી જઈ શકે છે. તેઓ આલંબન વિના જાય છે. તેઓ એક છલાંગથી માનુષોત્તરપર્વત પર જાય છે અને બીજી છલાંગથી નંદીશ્વરદ્વીપમાં જાય છે. ત્યાં ચૈત્યોને વાંદીને પાછા ફરતા એક છલાંગથી પોતાના સ્થાનમાં આવે છે.
