________________ 166 દ્વાર ૪૯મું - સિદ્ધોના 15 ભેદો (10) નપુંસકલિંગસિદ્ધ - નપુંસકના આકારમાં રહીને સિદ્ધ થયેલા. (11) સ્વયંબુદ્ધસિદ્ધ - બીજાના ઉપદેશ કે નિમિત્ત વિના સ્વયં બોધ પામીને સિદ્ધ થયેલા. (12) પ્રત્યેકબુદ્ધસિદ્ધ - અનિત્ય ભાવનામાં કારણભૂત એવી બળદ વગેરે વસ્તુને જોઈને બોધ પામીને સિદ્ધ થયેલા. (13) બુદ્ધબોધિતસિદ્ધ - આચાર્ય વગેરેના ઉપદેશથી બોધ પામીને સિદ્ધ થયેલા. (14) એકસિદ્ધ - એકસમયમાં એક સિદ્ધ થયેલા. (15) અનેકસિદ્ધ - એકસમયમાં અનેક સિદ્ધ થયેલા. તીર્થંકરસિદ્ધ - અતીર્થંકરસિદ્ધ એ બે ભેદોમાં કે તીર્થસિદ્ધઅતીર્થસિદ્ધ એ બે ભેદોમાં બાકીના ભેદોનો સમાવેશ થવા છતાં તેમને સમજાવવા તેમને જુદા બતાવ્યા છે. + ધન કમાવાની શરૂઆત કરનારાએ સાત ક્ષેત્રમાં ધનનો વ્યય કરવો વગેરે ધર્મસંબંધી મોટા જ મનોરથ નિરન્તર કરવા. જો વેપારમાં લાભ થાય તો તેને અનુરૂપ તે મનોરથો સફળ કરવા. મહાઆરંભ વગેરે અનુચિત વૃત્તિથી ભેગુ કરેલું ધન સાત ક્ષેત્રોમાં વાવવું વગેરે વિના મમ્મણશેઠની જેમ અપકીર્તિ અને દુર્ગતિરૂપી ફળને જ આપનારું છે. + સામગ્રીની હાજરીમાં પોતાના સાધ્ય સાથે જોડાય તે યોગ્ય. + ભવ્યત્વ એટલે મોક્ષમાં જવાની યોગ્યતારૂપ અનાદિ પારિણામિક ભાવ. + વંદનને અપાત્રને વંદન કરવાથી કર્મબંધન વગેરે થાય છે.
