________________ પરાવર્તન - પરાવર્તન એવી રીતે કરવું કે રાત્રે ઊંઘ ઉડી જાય તો સ્વાધ્યાયની રમણતા ચાલે. અનુપ્રેક્ષા:- સૂત્ર બરાબર દઢ થયા હોય તો અર્થ પર વિશેષ વિચારણા કરી શકે. પ્રથમ સૂત્ર ધ્યાન પછી અર્થ ધ્યાન કરી આત્મામાં તેનું પરિણમન કરવાનું છે. આત્માએ અર્થમય (સ્વભાવમય) બનવાનું છે તે જ તત્ત્વનું પરિણમન. પરિશીલન - અર્થનું ભાવના દ્વારા વારંવાર ચિંતન કરવું. નિદિધ્યાસન - એકાગ્રતાપૂર્વક કરેલ ચિંતનથી આત્માએ ધ્યાનમય બની જવાનું. દા.ત. લોગસ્સ સૂત્ર - પરમાત્મા સ્વમાં અને લોકાલોકમાં કેવળ જ્ઞાનના પ્રકાશ દ્વારા ઉદ્યોત કરનારા છે. ધર્મતીર્થોની સ્થાપના કરનારા છે. રાગદ્વેષથી રહિત છે તેવા એ ચોવીસે જિનેશ્વર ભગવંતો અને અન્ય પણ કેવળી ભગવંતોનું હું કીર્તન કરું છું. મારું પણ એવું જ સ્વરૂપ છે. આવી વિચારણા કરવાથી એવો આનંદ આવે કે કાઉસ્સગમાંથી બહાર નીકળવાનું મન જ ન થાય. દેહને વોસિરાવી દેવો અર્થાત્ દેહની મમતાનો ત્યાગ કરવો. તત્ત્વાર્થ સૂત્રના રચયિતા પૂ. ઉમાસ્વાતિ મ. પણ એ જ વાત જણાવે છે કે એક જિનવચન પણ આત્માને તારવા માટે સમર્થ છે. એક સામાયિકના પદથી અનેક આત્માઓ તર્યા છે. પ્રમાણભૂત જિનવચનને કોઈપણ પ્રકારના વિકલ્પ વિના સ્વીકારવાનું છે. તે વચનને સતત ધારી લેવું જોઈએ. * શ્રદ્ધાએ ધ્યાનમાં કઈ રીતે જવાય? કોઈ પણ પ્રકારના વિકલ્પ વિના સ્વીકારવું એ જ શ્રદ્ધા.જિનવચન સર્વજ્ઞતામાંથી નીકળેલું છે, માટે એકાંતે હિતકર છે. મેહાએ - જિનવચન સિવાય, કોઈનું પણ વચન સાંભળવા યોગ્ય લાગવું ન જોઈએ. આત્મા સ્વ આગમ ભણ્યા પછી પરાગમ ભણવા માટેનો અધિકારી બને છે. જ્ઞાનસાર-૨ // 41
