________________ આત્માર્થી જીવે પોતાના શુદ્ધ સ્વરૂપની પ્રાપ્તિ માટે શરીરાદિ પરભાવની સાથે જે એકતા છે તેનો ત્યાગ કરીને તથા રાગ-દ્વેષાત્મક વિભાવદશા છોડી દઈને સમતાભાવ વડે ભાવિત થવા પ્રયત્નશીલ બનવું જોઈએ. ગાથા - 8: ગર્ભશાનગજોનુ-રૂષદ્ ધ્યાન તુરગમાઃ જયન્તિ મુનિરાજસ્ય, શમસામ્રાજ્યસમ્મદઃ ટો ગાથાર્થ: ગર્જના કરતા જ્ઞાનરૂપી હાથીઓ વડે ઉન્નત, આત્મહિતકારી અને નૃત્ય કરતાં ધ્યાનરૂપી નાચતા ઘોડાઓ જેવી મુનિ મહારાજની સમતા સામ્રાજ્યની સંપત્તિ જય પામે છે. - વિજય પામે છે. 'રાજા બાહ્ય સામ્રાજ્ય સંપત્તિથી સુખી-તેમ મુનિ સૂત્ર અર્થજ્ઞાન સંપત્તિથી સુખી' રાજા શાનાથી શોભે? હાથી-ઘોડાઓના સમૂહો વધારે તે વધારે સમૃધ્ધ. પૂર્વના કાળમાં શ્રેષ્ઠીઓના બંગલાની આગળ હાથીઓ ઝૂલતા હતા, અને ઘોડાઓ પણ રહેતા. ગૌધનવાળા પણ સંપત્તિવાન ગણાતા. હાથીઓ ગર્જના કરે તેમ મુનિઓ જ્ઞાનનો ઘોષ કરે. નૃત્ય કરતાં ઘોડાઓ રૂપ ધ્યાન એ મુનિની સંપત્તિ છે. જ્ઞાન–ધ્યાન મુનિ પાસે જેટલું અધિક તેટલો તે સબળ બને. આંતર સમૃધ્ધિથી તરબતર બને તે જ મુનિ સુખી બને. જે જ્ઞાન દ્વારા આત્માનો અનુભવ થાય તેવા જ જ્ઞાનની કિંમત છે. જે જ્ઞાન ધ્યાનનું કારણ બને તે જ્ઞાન મુનિ માટે આનંદની સમૃધ્ધિથી તરબતર બને. તે જ મુનિ સુખી બને. એટલે મુનિએ 12 વર્ષ સુધી ભણાવાનું છે. ઉત્સર્ગમાર્ગે સૂત્રો ગોખવાના ને નામની જેમ યાદ રાખવાના છે. * સૂત્ર કઈ રીતે ભણવાનું? આગમનો પાઠ નિરંતર કરવાનો - રાત્રે પુનરાવર્તન કરવાનું. પૂર્વે ગુરુ પાસે મુખપાઠ લેવાની પદ્ધતિ હતી. તેથી ગુરુ આપે તેટલું જ લેવાય. જેની જેટલી યોગ્યતા હોય તેટલું ગુરુ આપે, આગળનું ન આપે. તેના કારણે જ્ઞાનસાર-૨ // 194
