________________ શરીર, કામદેવને શરમાવે તેવું રૂપ, શરદના ચન્દ્ર સમાન ઓજસ્વી મુખ, રક્ત કમળદળ સમાન પગલાં વગેરે દ્વારા અલંકાર યુક્ત અભિવ્યક્તિથી બાલ્યાવસ્થાનું શબ્દચિત્ર આલેખ્યું છે. માતા પુત્ર પ્રત્યે વાત્સલ્ય વ્યક્ત કરી આશીર્વાદ આપે છે. તેની અવનવી કલ્પનાઓ હૃદયંગમ છે. “બે કર ભીડી ભીડી હૃદય વિષે જીન રાજ કુંવરજી ઘણું જીવો, કુળનો દિવો તમે થજો રે તારણ તરણ વળી ભવોદધિ તારક જહાજ. તદુપરાંત “કુળની થઈ શાસન વરતાવજો, નરનારીનો ઉદ્ધાર કરી શિવપદ અપાવજો, ધર્મ ધુરંધર બની ધર્મરથ ચલાવજો, યોગી બની ભવથી પાર થાય જો” વગેરે મહત્વકાંક્ષા દર્શાવી છે. હાલરડાની અન્ય રચનાઓની સરખામણીમાં આ રચનામાં માતાની પુત્રના ભવિષ્ય વિશેની કલ્પનાઓ વિશદ રીતે વ્યક્ત થયેલી જોવા મળે છે. એમના ભવિષ્યના જીવનની શુભ-મંગલમય પ્રવૃત્તિઓનો ઉલ્લેખ કરીને આશીર્વાદ આપે છે. દીપવિજયના હાલરડાના રાગ સમાન આ રચનાની ગેયતાની માધુર્ય ભાવની અનુભૂતિ કરાવે છે. જે કવિની કલ્પના શક્તિના નમૂના રૂપ - પ્રભુના જન્મનો અપૂર્વ આનંદ દર્શાવતી પંક્તિ ફરકે ઘર ઘર તરીયા તોરણ ગુડીયો ને ધજા રે, મુક્તા ફળના સ્વસ્તિક પરે મનોહર બાળ.
