________________ સ્વામીના હાલરડાની રચના કરી છે. પ્રારંભની પંક્તિ છે. માતા ત્રિશલા ઝુલાવે પુત્ર પારણે રે.........દયારામના હાલરડાની ગેયતા દીપવિજયના હાલરડામાં સમાન રીતે સ્થાન પામેલી જોવા મળે છે. ભગવાનનું પારણું એ કંઈ સામાન્ય કક્ષાનું ન હોય એટલે કવિએ કલ્પના કરી છે કે - સોના રૂપાને વળી તે જડિયું પારણું રે”, રેશમ દોરી ઘુઘરી વાગે છુમ છુમ રીત. હાલો.....ના સુવર્ણ, રૂપુ અને વિવિધ રત્નોથી સુશોભિત, રેશમી દોરી અને ઘુઘરીઓના રણકારયુક્ત પારણું છે. કવિની કલ્પનાશક્તિના પ્રભાવથી પારણું પ્રત્યક્ષ નિહાળવાની ધન્ય પળની શ્રોતાઓને અનુભૂતિ થાય છે. બીજી કડીમાં ભગવાન મહાવીર, પાર્શ્વનાથ ભગવાન પછી 250 વર્ષે થશે એમ કેશી ગણધરે કહ્યું હતું તેનો ઉલ્લેખ ર્યો છે. - ભગવાનનાં માતાજી 14 સ્વપ્ન જુએ છે. તેનું ફળ એ છે કે ચક્રવર્તી રાજા જન્મે અથવા તો તીર્થકર ભગવાન જન્મે. હવે કોઈ ચક્રવર્તી થવાના નથી એટલે કેશીસ્વામીની વાણી સાચી પડી કે ૨૪મા ભગવાનનો જન્મ થશે. ત્રીજી કડીમાં સ્વપ્ન દર્શનના ફળની શંકા અને સમાધાન જણાવ્યું છે. આ ચોવીશીના અંતિમ તીર્થકર માતાના ગર્ભમાં આવ્યા છે તેનો અપૂર્વ આનંદ થાય છે તેની અભિવ્યક્તિ કરતાં કવિ જણાવે છે કે -
