________________ દશ્ય જોઈને રોહિણી પતિને આ નાટક કેવું છે? તેનો જવાબ રાજા આપે છે. આ પ્રત્યુત્તરના પ્રસંગમાં સંવાદનું તત્વ રહેલું છે. સમગ્ર સ્તવનમાં રોહિણીનું પાત્ર આકર્ષક રીતે આલેખાયેલું છે. આ સ્તવનની બીજી વિશેષતા રોહિણી તપની વિધિ અને તેનો મહિમા દર્શાવવામાં છે. પૂર્વ જન્મના વૃત્તાંતની આ કથા પણ સુસંવાદી રીતે સ્તવનમાં ગૂંથાયેલી છે. કર્મવશ જીવનમાં આવતાં સુખ દુઃખ અને ધર્મની આરાધના તપ-જપથી કરનારને દીક્ષા લઈ અવશ્ય મુક્તિ સુખ મળે છે, એવી એક અને અંતિમ ઈષ્ટ ભાવના પ્રગટ થઈ છે. ઢાળ - 3 - ચાર જ્ઞાનના અધિકારી વાસુપૂજય ભગવંતના અંતેવાસી રૂપકુંભ સુવર્ણકુંભ પ્રભુ પાસે પધાર્યા. અશોકરાજા રોહિણી અને પરિવારના સભ્યો સાથે ભગવંતની દેશના સાંભળવા ગયા. રાજાએ ગુરુ ભગવંતને પૂછયું કે રોહિણીએ પૂર્વભવમાં ક્યાં સુકૃત કર્યા હતાં તે અધિકાર જણાવો ? કૃપા કરી ગુરૂએ પ્રત્યુત્તર આપ્યો કે રોહિણીએ પૂર્વ જન્મમાં રોહિણી તપ કર્યું હતું. તેના પ્રભાવથી વર્તમાનમાં અંશ માત્ર દુઃખનો તેને અનુભવ થયો નથી. ઢાળ : 4 ગુરુએ રોહિણીનું પૂર્વ જન્મનું વૃત્તાંત જણાવ્યું તે નીચે મુજબ છે. જંબુદ્વીપના ભરત ક્ષેત્રના સિદ્ધપુર નગરમાં પૃથ્વીપાલ રાજા અને સિદ્ધમતી રાણી નિવાસ કરતાં હતાં. એક દિવસ રાજા રાણી ચંદ્ર ઉદ્યાનમાં ક્રીડા કરવા આવ્યાં. ત્યાં ગુણસાગર મુનિ ભગવંતનાં દર્શન થયાં. પ્રશ્ન પૂછીને ઉત્તર મેળવીને સંતોષ પામે છે. 98
