________________ સામાન્ય રીતે આદીશ્વર, શાંતિનાથ, પાર્શ્વનાથ અને મહાવીરસ્વામી અને પંચજ્ઞાનની આરતી વધુ પ્રચલિત છે. કવિએ અષ્ટપ્રકારી પૂજાની રચના કરી છે તેમાં અનુક્રમે નંદીશ્વર દ્વીપ, અષ્ટાપદ પર્વત અને અડસઠ આગમની આરતીની રચના કરીને આરતી કાવ્ય પ્રકારને સમૃદ્ધ કર્યું છે. તદુપરાંત માણિભદ્રની આરતી પણ ધ્યાન ખેંચે તેવી છે. માણિભદ્ર વીરના મહિમાનો પ્રભાવ “માણિભદ્ર છંદમાં ગાવામાં આવ્યો છે. પૂજા સાહિત્યનું વિષય વસ્તુ પસંદગીની દૃષ્ટિએ નવીન છે. ભગવાનના જીવન અને તીર્થ વિશે પૂજા રચી છે. કવિએ અષ્ટાપદ અને નંદીશ્વર જેવા મહાપાવનકારી તીર્થ વર્ણનની ગુણગાથા ગાવાનો પ્રશસ્ય પ્રયત્ન કર્યો છે. જૈન ભૂગોળની કાવ્ય રચના દ્વારા માહિતી આપવા માટેની એમની પૂજા જ્ઞાન અને ભક્તિ માર્ગનો સમન્વય સાધે છે. - સોહમકુળ કલ્પવૃક્ષ તપ વિધિ અને ગણધર દેવવંદનની કૃતિના પ્રારંભમાં ગણધર તપની વિધિનો ઉલ્લેખ કર્યો છે. ત્યાર પછી “પાંચ જોડા” થી ગણધર દેવવંદનની રચના છે, તેમાં કવિની પૂર્વના વારસા પ્રત્યેની ભક્તિ પ્રગટ થયેલી છે. ચૈત્યવંદન અને સ્તુતિ અને સ્તવન એમ ત્રણેના સમન્વય દ્વારા દેવવંદનની રચના કરી છે. ખામણાંની ઢાળનામની કૃતિમાં ચૌમાસી અને વાર્ષિક ક્ષમાપનાની ભાવનાનો મહિમા ગાવામાં આવ્યો છે. આગમ સાહિત્ય અતિ કઠિન ને દુર્બોધ છે. તેનો પ્રાથમિક
