________________ ગબ્લો રચી છે. તેમાં ઉર્દૂ, ફારસી, હિન્દીનો વિશેષ પ્રભાવ છે. ગઝલના, સ્વરૂપને અનુરૂપ થવા શબ્દોની તોડફોડ કરી છે. જંબુસર, ઉદયપુર, વડોદરા, સુરત, પાલનપુર અને ખંભાતની ગઝલો રચી છે. જેમાં મુખ્યત્વે રાજકીય, સામાજિક, ધાર્મિક માહિતીની સાથે પ્રતિષ્ઠિત વ્યક્તિઓ, મંદિરો, બજાર, વેપાર ધંધા વગેરેનો ઉલ્લેખ થયેલો છે. ગઝલ કહીએ છતાં તેમાં મુખ્યત્વે તો કવિનો ઇતિહાસ પ્રેમ સ્પષ્ટ રીતે પ્રગટ થાય છે. અત્રે ગૌરવપૂર્વક નોંધવામાં આવે છે કે જૈન કવિઓએ અધ્યાત્મ વિષયની ગઝલની રચના કરી છે અહીં કવિની સ્થળ વર્ણનની ગઝલોનો પરિચય આપવામાં આવ્યો છે. હાલરડાથી ખ્યાતિ પામેલા કવિ દીપિવિજયે ભગવાન મહાવીરના હાલરડાની રચના બીલીમોરામાં કરી હતી. આ હાલરડું પર્વાધિરાજ પર્યુષણ પર્વમાં વિશ્વભરના જૈન ભક્તિભાવ પૂર્વક ગાય છે ને શ્રવણ કરે છે. તેમાં ભગવાનની બાલ્યાવસ્થા, માતાપિતાનો આનંદ-વાત્સલ્ય અને ભવિષ્યની કલ્પનાઓનું રસસભર, ભાવવાહી નિરૂપણ કરવામાં આવ્યું છે. હાલરડા વિષેની અન્ય કવિઓની રચનાઓનો સમાવેશ કરીને તેને અનુરૂપ વિશેષ વિગતો દર્શાવવામાં આવી છે. વીસમી સદીની વિદાયની વેળાએ અને એકવીસમી સદીના પ્રભાવ સાથે આ કાળમાં હાલરડાં પણ વિદાય લઈ રહ્યાં છે ત્યારે તેને લગતી વૈવિધ્યપૂર્ણ વિગતો કુટુંબ જીવનમાં ચિરસ્મરણીય, વાત્સલ્યમય ને ઉત્સાહપ્રેરક સ્મૃતિ બની રહે છે.
