Page Text
________________
ભૂખ્યા માણસને પણ શરમાવે તેવો પરિશ્રમ કરી રહયો છે. કરોડાધિપતિ માં તેના તન પર ક્યારે પણ, ઉજળા વસ્ત્રો કોઇએ જોયા નથી. ખોરાકમાં પણ મેવા-મિષ્ટાન્ન જોઈને પણ વમન થાય છે. કેરી, જામફળાદિ ઉત્તમ ફળને જોઈને પણ નાકનું ટેરવું ચઢે છે. કેવળ બફાઈ ગયેલા ચણા કે ચોળાને તેલમાં વઘારીને ખાય ત્યારે જ તૃપ્તિ થાય છે. કોઇની સાથે પણ ઉઠવા-બેસવા બોલવા કે વાતો કરવાનો પણ સમય આની પાસે નથી. કેમકે - જિન્દગીના નકશામાં પૈસો-પૈસો બચાવવાનો છે. આવા પ્રકારે ધર્મ અને ધાર્મિકતા સાથે સંબંધ નહિ રાખનાર પરિગ્રહનામના પાપના પરમપૂજારીને, સાધુસંતો સાથે કે વડીલો સાથે, કલાક અર્ધો કલાક બેસવાની લેવાદેવી કંઇપણ નથી. મારા બાપદાદાનો ધર્મ કયો? અને હું પરિગ્રહ નામના મહાપાપની પાછળ પાગલ બનીને શું કરી રહયો છું? આવા વિચારો પણ પરિગ્રહના પરમ ભકતોને આવતા હશે કે કેમ? તે ભગવાન જાણે! ૧૫ પ્રકારના કર્માદાનોના, વ્યાજવટાના ગોટાળાના, સારો માલ બતાવી ખરાબ માલ દેવાના, શરીરને પુષ્ટ બનાવવા માટે ગમે તેવા અભક્ષ્યો અપેયોને પેટમાં નાખવાના, ઇત્યાદિ ધંધાઓમાં પાપ લાગતું હશે કે કેમ? તેની વિચારણા કરવા માટે પણ તેમને સમય નથી, અથવા તૈયાર નથી. મમ્મણ શેઠની આવા પ્રકારની વિગતો જાણીને રાજાજીને ધણું જ દુઃખ થયું. કેમકે - જ્યાં દેવાધિદેવ ભગવાન મહાવીર સ્વામીના ૧૪ ચાતુર્માસો થયા છે તેવી મારી રાજગૃહી નગરીમાં એકબાજુ ધર્મોના અવતાર સમા, છમાં અઢળક શ્રીમંતાઇમાં મહાલતાં શાલીભદ્રજી, ધન્નાજી, ધર્મના રંગમાં રંગાયેલી મારી ધર્મપતી ચેલણા, ધારિણી, કાલિકા, મહાકાલિકા આદિ સ્ત્રીઓ રાજઘરાણામાં રહેવા છતાં તેમનો ત્યાગ, ખાનપાનની મર્યાદા, રહેવાકરવાની તથા ઓઢવા પહેરવાની મર્યાદા તથા પાંચસો મંત્રીઓના અગ્રણી મારો લાડકો અભયકુમાર કયાં? અને પરિગ્રહની માયા સિવાય, ધર્મની મુદત લેશ્યા નથી તેવો મમ્મણ શેઠ ક્યાં? કર્મસત્તાની કેટલી બલિહારી? મનુષ્યરૂપે પ્રત્યેક મનુષ્ય સમાન હોવા માં પણ એકને ધર્મની વેશ્યા, બીજાને પાપની શ્યા, એકને સ્વર્ગની ઝંખના તો અન્યને મોક્ષની ઝંખના, અને વળી, બીજાને નરક તરફ પ્રસ્થાન કરવાની તૈયારી. અને એક દિવસે મમ્મણ શેઠ જાણે મરવાનો સમય પાસે આવી રહયો હોય તેમ - 'હાય મારા સુવર્ણના બળદીયા, મારા ચોપડા, મારી બેંક, બેંકનું બેલેન્સ, મારા બંગલા, મારી તિજોરી, મારી ચાવીઓ માટે હાય-હાય કરતાં કરતાં શેઠજીની આંખો સદાને માટે બંધ થઈ ગઈ અને મરીને નરકગતિના મહેમાન બની ગયા. ભેગી કરેલી માયા જ્યાં હતી ત્યાંને ત્યાં પડી રહી. ભગવાન જાણે તે શેઠના તૈયાર કરેલા સુવર્ણના બળદીયા અત્યારે કયાં હશે?
૯૧
| SR No. | 032712 |
| Book Title | Sansarna Dukhona Karno 18 Paapsthanak |
| Original Sutra Author | N/A |
| Author | Purnanandvijay |
| Publisher | Khushalbhai Jagjivandas |
| Publication Year | 1993 |
| Total Pages | 212 |
| Language | Gujarati |
| Classification | Book_Gujarati |
| File Size | 20 MB |