________________
महाराष्ट्री - शौरसेनीप्राकृत स्तुति - स्तव-स्तोत्राणि
( नारायओ)
देवसुंदरीहि पायवंदिआहिं वंदिआ य जस्स ते
सुविक्कमा कमा
अप्पणो निडालएहिं मंडणोड्डुणप्पगार हिं
केहिं केहिं वि अवंगतिलयपत्तलेहनामएहिं चिल्लएहि,
संगयंगयाहिं भत्तिसंन्निविट्ठवंदणागयाहिं हुंति ते वंदिआ पुणो पुणो ॥ २८ ॥
( नंदिअयं )
तमहं जिणचंदं अजिअं जिअमोहं
धुयसव्वकिलेसं पयओ पणमामि ॥ २९ ॥
( भासुरयं )
थुयवंदिअस्सा रिसिगणदेवगणेहिं तो देववहूहिं पयओपणमिअस्सा । जस्सजगुत्तमसासणअस्सा भत्तिवसागयपिंडिअयाहिं, देववरच्छरसाबहुयाहिं सुरवररइगुणपंडिआहिं ॥ ३० ॥
( नारायओ)
वंससद्दतंतितालमेलिए तिउक्खराभिरामसद्दमीसए कए अ, सुइसमाणणे अ सुद्धसज्जगीअपायजालघंटिआहिं वलयमेहलाकलावनेउराभिरामसद्दमीसए कए अ । देवनट्टिआहिं हावभावविब्भमप्पगारएहिं नच्चिऊण अंगहारएहिं वंदिआयजस्स ते सुविक्कमा कमा तयं तिलोयसव्वसत्तसंतिकारयं पसंतसव्वपावदोसमेसहं नमामि संतिमुत्तमं जिणं ॥ ३१ ॥
( ललिअयं )
छत्तचामरपडागजूवजवमंडिआ, जयवरमगरतुरयसिरिवच्छसुलंछणा । दीवसमुद्दमन्दरदिसागयसोहिआ, सत्थिअ वसह सीह रह चक्कवरंकिया ॥ ३२ ॥
(वाणवासिया)
सहावलट्ठा समपइट्ठा अदोसदुट्ठा गुणेहिं जिट्ठा ।
पसायसिट्ठा तवेण पुट्ठा सिरीहिं इट्ठा रिसीहिं जुट्ठा ॥ ३३ ॥
२३
( अपरान्तिका )
ते तवेण धुयसव्वपावया, सव्वलोअहिअमूलपावया । संथुया अजिअसंतिपायया, हुंतु मे सिवसुहाणदायया ॥ ३४ ॥
