________________
બપોરે વાચના :
• જેટલું પણ શ્રુતજ્ઞાન આજે બચ્યું છે તે આપણા કલ્યાણ માટે પર્યાપ્ત છે.
પણ આજે તો હાલત એવી છે કે ૪૫ આગમના નામ પણ બરાબર આવડે તોય મોટી વાત ગણાય.
૪૫ આગમમાં વર્ણન તો મળે, પણ એ પ્રમાણેનું જીવન જોવા-વાંચવા મળે ત્યારે ખૂબ જ આનંદ થાય આજે એવું જ એક જીવન (પૂ.શ્રી જીતવિજયજી મ.નું સવારે આપણને સાંભળવા મળ્યું.
- અસંગ-અનુષ્ઠાન મેળવવા આપણે ઉત્સુક છીએ. જલ્દી આત્માનુભવ થઈ જાય તો કેટલું સારું ? પણ આત્માનુભવ [અસંગ માટે ભગવાનની આજ્ઞાનું પાલન [વચન યોગ] જોઈએ. ભગવાનની આજ્ઞા તો જ બરાબર પાળી શકાય જો એમના પર હૃદયપૂર્વકની ભક્તિ [ભક્તિયોગ હોય. ભક્તિ તો જ આવે જો ભગવાન પર હૃદયનો પ્રેમ પ્રિીતિયોગ હોય.
શરૂઆત હંમેશા પ્રીતિયોગથી થઈ શકે. પણ આપણે સીધો જ ચોથો માળ [અસંગ યોગ] ચણવા માંગીએ છીએ.
પાયા વિના ઘર બની શકે તો પ્રીતિયોગ વિના અસંગયોગ આવી શકે. લગભગ ૧૫૦૦ વર્ષ પૂર્વે થઈ ગયેલા [પૂર્વધરોના નિકટવર્તી] પૂજ્યશ્રી હરિભદ્રસૂરિજીના આ પદાર્થો છે. એમના કેટલાક પદાર્થો આપણને સાવ જ નવા લાગે, આગમમાં ન હોય તેવા લાગે, પણ સમજવું પડશે : એમનો કાળ પૂર્વધરોની નજીકનો હતો, પૂર્વે ભલે વિચ્છિન્ન થઈ ગયા હશે, પણ એમના કંઈક છાંટાઓ રહી ગયા હશે, જે આવા પદાર્થોથી આપણને સમજાય છે.
હરિભદ્રસૂરિજી કહે છે : વિશિષ્ટ પ્રકારના ક્ષયોપશમ વિના આવા સૂત્ર ચિત્યવંદન સૂત્ર પ્રત્યે પ્રેમ ન પ્રગટે, વિધિ તત્પરતા ન આવે, ઔચિત્ય પણ ન આવે.
આ લોક વિરુદ્ધ વર્તન (જુગાર આદિ સાત વ્યસન વગેરે. કરનારો આવા સૂત્ર માટે યોગ્ય ન ગણાય. માથું ઠેકાણે ન હોય તે જ આ લોક – પરલોક વિરુદ્ધ કાર્ય કરે. બુદ્ધિશાળી તો બન્ને લોકમાં હિતકર હોય તેવી જ પ્રવૃત્તિ કરે.
૨૬
* * * * * કહે, કલાપૂર્ણસૂરિ-૩
