________________
ન હોય પણ તે જો સ્વચ્છ હોય તો પ્રતિબિંબ પડે જ. આપણું મન સ્વચ્છ બને એટલે ભગવાનનું પ્રતિબિંબ પડે જ. ચિત્તને નિર્મળ બનાવો. ભગવાન તમારા ચિત્તમાં પ્રવેશવા ક્યારનાય ઉત્સુક છે.
આવા શાસનની તથા આવી સિદ્ધગિરિની ભૂમિની સ્પર્શનાની પ્રાપ્તિ કેટલો મહાપુણ્યોદય છે !
આ તો અનંત સિદ્ધોની ભૂમિ છે. આપણા પર અનંત સિદ્ધો છત્રરૂપે રહેલા છે, જે સતત આપણને ઉપર ખેંચી રહ્યા છે.
ઠંડક મેળવવા માણસ શીતલ છાંયડે, પરબ પાસે આવે તેમ આપણે આ તીર્થસ્થાને આવ્યા છીએ.
અહીં બધા એકઠા થયેલા છીએ તે સૌની એક જ ભાવના છે: આત્મકલ્યાણકારી સાધના કરવી.
થોડા દિવસ પહેલા સૌ મહાત્માઓએ વિચારેલું ? શા માટે સામૂહિક વાચનાનું આયોજન ન ગોઠવાય ? એ કારણે જ આ ગોઠવણ થઈ છે. સંઘની પણ આપણી પાસેથી મોટી અપેક્ષા છે. કોઈની પાસે સંગઠનની શક્તિ હોય કે કોઈ પાસે પ્રવચન – લેખન આદિની શક્તિ હોય તે અહીં લગાડવાની છે, શાસન માટે લગાડવાની છે.
આપણા સૌનું કર્તવ્ય છે : જે મળ્યું છે તે આપણી ભાવિ પેઢીને આપવું. વિનિયોગ વિના ગુણ સાનુબંધ ન બને, ભવાંતરમાં સાથે નહિ ચાલે. – એમ હરિભદ્રસૂરિજીએ કહ્યું છે.
ગૃહસ્થો માટે વ્યાખ્યાન ચાલુ છે. પણ આપણા [સાધુઓ માટે શું ? એટલે આ વાચનાનું આયોજન થયું છે.
અહીં ચાતુર્માસ સ્થિત લગભગ બધા મહાત્માઓ એક વિચારવાળા છે. પરસ્પર સહકાર આપે તેવા છે.
સામૂહિક વ્યાખ્યાનનું નક્કી થયું. વિષય ક્યો રાખવો ? તે વાત થઈ ત્યારે મેં કહ્યું : સૌ પ્રથમ મંત્રી રાખો પછી ભક્તિ.
પણ સૌ પ્રથમ જે કહીએ તે જીવનમાં હોવું જોઈએ. જાણકારી તો વાંચીને પણ મેળવી શકાય, પણ જ્યાં સુધી એ વાંચેલું આપણા જીવનમાં ન ઉતરેલું હોય ત્યાં સુધી કહેલી એ વાતમાં દમ નથી હોતો. માટે એને ભાવિત બનાવો.
કહે, કલાપૂર્ણસૂરિ-૩
*
*
*
*
*
* *
*
* *
*
૭.
