________________
» ભગવાનની ઉત્તમતા આ બધા ગુણો દ્વારા જાણી. હવે એ ગુણો જોઈતા હોય તો શું કરવાનું ? ઝવેરીનો માલ સારો લાગ્યો, ખરીદવાનું મન થયું, તો શું કરવું પડે ? કિંમત આપવી પડે ને ? અહીં માત્ર ગુણરાગની જરૂર છે. જે ગુણો ગમવા માંડે એટલે તે આવ્યા વિના ન જ રહે. ઝવેરીનું ઝવેરાત ગમી જાય એટલે મળી જાય એવું નથી, પણ અહીં ગુણો ગમી જાય તો આવવા મંડે જ. એમાં કોઈ શંકા નથી.
ગુણાનુરાગ કુલકમાં ત્યાં સુધી કહ્યું છે કે “તિત્ય ર૫૩ો.” તીર્થંકર-પદ સુધીની પદવીઓ ગુણાનુરાગીને દુર્લભ નથી.
તમારો એક પણ દોષ બોલાઈ ન જાય તેની હું સતત તકેદારી રાખું છું. તમને હિતશિક્ષા આપતાં-આપતાં પણ આ અંગે અત્યંત જાગૃત હું છું. કારણ કે પૂ. પં. ભદ્રંકર વિ.મ. પૂ. કનકસૂરિજી મ. વગેરે દ્વારા અમને આ શીખવા મળ્યું છે. એમના મુખે કદી કોઈનો દોષ સાંભળ્યો નથી.
બીજાના દોષ કહેવા કે દોષો સાંભળવા એટલે સ્વયં દોષિત થવા ભૂમિકા તૈયાર કરવી !
આ જીભ એટલે નથી મળી. દોષો કહેવામાં જો આ જીભનો ઉપયોગ કર્યો તો ફરી આ જીભ કયાં મળવાની?
શાસ્ત્રો અને ગ્રંથોનો આદર પરદેશમાં પરદેશી તત્વચિંતકો દ્વારા ઉત્તમ સાહિત્ય પ્રગટ થાય છે. તેમાં મનની ભૂમિકાના ઘણા રહસ્યો પ્રગટ થાય છે. એક ભાઈ ઘણા અભ્યાસી હતા, તે કહે કે આ સાહિત્ય ઉત્તમ હોય છે. પણ ભારતના શાસ્ત્રો અને ગ્રંથોમાં જે અધ્યાત્મનો આસ્વાદ છે તે એમાં ન મળે. કારણ કે અધ્યાત્મ ગ્રંથોના રચયિતામાં ત્યાગ, સંયમ, વૈરાગ્ય વિગેરેનું બળ છે. તે આપણા જીવન પર અસર કરે છે.
– સુનંદાબેન વોરા
કહે, કલાપૂર્ણસૂરિ-૩
*
* *
* * * * *
* * *
*
૩૪૩
