________________
ભગવાન ભલે અહીં નથી, ભગવાનના ગુણો અહીં જ છે, શક્તિ અહીં જ સક્રિય છે. સ્વ. આચાર્યશ્રીના નામ લેતાં જ તેમના ગુણો યાદ આવે ને ?
ભક્તામરમાં ગુણોની વાત છે જ ને ?
ભક્તામર વગેરમાં તો બધું જ છે, પણ કઈ વાત ક્યાં લગાડવી એ જ મુખ્ય વાત છે. હથોડો ઠોકતાં જ મશીન ચાલુ થઈ ગયા, એ બરાબર, પણ હથોડો ક્યાં ઠોકવો એ જ મહત્ત્વની વાત છે.
૯૯,૯૯૯ રૂપિયા હોવા છતાં એ લાખ ન જ કહેવાય, એમાં એક રૂપિયો ઉમેરો તો જ લાખ કહેવાય. એક રૂપિયાનું કેટલું મહત્ત્વ? છતાં એમ નહિ માનતા કે એક રૂપિયો જ લાખ કહેવાય. ૯૯,૯૯૯ રૂપિયા હતા એટલે જ લાખ થયાને?
તે રીતે પૂર્વના યથાપ્રવૃત્તિકરણો નિષ્ફળ નથી ગયા, એ બધા ૯૯,૯૯૯ રૂપિયા જેવા છે. એ ન કર્યા હોત તો ચરમ યથા પ્રવૃત્તિકરણ પણ કયાં મળવાનું હતું?
- પાર્શ્વનાથ સંતાનીય ઘણાય શ્રાવકો હતા, છતાં ૧૧ માંથી એકેય શ્રાવક ગણધર ન બન્યો, બધા જ બ્રાહ્મણો હતા.
પૂર્વ ભવમાં ગણધર નામકર્મ બાંધી આવે તે જ ગણધર બની શકે. તીર્થંકરની જેમ ગણધરો પણ નિશ્ચિત હોય છે.
* ૧૫ ભેદે સિદ્ધ ભલે થાય પણ મોક્ષમાં ગયા પછી બધા સમાન ! ત્યાં કોઈ ભેદ નહિ! એવું નથી કે તીર્થકર ભગવાનને વધુ સુખ હોય ને બીજાને ઓછું ! ત્યાં બધા જ સિદ્ધોને સમાન સુખ હોય.
દુઃખી, દરિદ્ર, સૈનિક, વાસુદેવ કે ચક્રવર્તી વગેરેમાં અહીં ભેદ છે, પણ મૃત્યુમાં બધા જ સરખા છે, બધાને મરવું જ પડે છે. એમાં કોઈ ફરક નથી. આયુષ્યનો ક્ષય થાય એટલે મરવું પડે છે.
ચન્દ્રકાન્તભાઈ અને પદ્માબેન બન્ને એક સાથે ગયા. સાથે રહેલું બાળક બચી ગયું. ભૂજના એક પરિવારના સાત જણ ગયા, એક બચી ગયો. આયુષ્ય હોય તે બચી જાય. આયુષ્ય જાય તે જાય. આ નિયમ સૌને લાગુ પડે, મૃત્યુમાં સૌ સમાન છે, તેમ સિદ્ધાશિલામાં સર્વ સિદ્ધો સમાન છે.
૩૪૨
* * * * * * * * * * * * * કહે, કલાપૂર્ણસૂરિ-૩
