________________
દં તિસ્થરમાયા' હું તીર્થંકરની માતા શિવા છું. શિવા એટલે માત્ર નેમિનાથ ભગવાનની માતા નહિ. શિવા એટલે કરુણા, અહિંસા! પ્રશ્નવ્યાકરણમાં અહિંસાના ૬૦ પર્યાયવાચી નામોમાં શિવા શબ્દ પણ છે.
આ ભાવના ભાવિત બનાવીએ તો જ ભગવાનના ભક્ત બની શકીએ. આપણા સર્વ પ્રતિક્રમણમાં આ ભાવના છે જ. ઈરિયાવહિયં માં પણ છે જ. ક્ષમા-મૈત્રી સંકળાયેલા છે. આખું જેન-શાસન કરુણામય છે.
સાંવત્સરિક ક્ષમાપના માટે જ તો પર્યુષણ છે અને તેના કર્તવ્યો છે.
પરસ્પર ક્ષમાપના માટે જ આ આયોજન હતું, પણ તમે ચડાવામાં આ બધું ભૂલી ગયા. જો કે લોકો ઊઠી જતાં મારા માટે સારું જ થયું. કારણ કે થોડા માણસોમાં જ મારો અવાજ પહોંચે છે.
| મારા તરફથી કે કોઈ મહાત્મા તરફથી કોઈને પણ કષ્ટ કે પીડા પહોંચ્યા હોય તે બદલ સર્વ મહાત્માઓ વતીથી હું મિચ્છામિ દુક્કડ માંગું છું.
મહામૂલું સમાધાન પૂજ્ય શ્રી પૂ.કલાપૂર્ણસૂરિજી) ને જ્યાં વંદનાર્થે જવાનું થતું ત્યાં પૂરા વાત્સલ્યથી એક કલાક બોધ આપતા. સુરત જવાનું થયું ત્યારે એકવાર પૂછ્યું કે મનની સ્થિરતા પકડાતી નથી. ત્યારે માર્ગદર્શન આપ્યું. સંસારના નિમિત્તો મનને ચંચળ કરે છે માટે પ્રભુભક્તિમાં વૃદ્ધિ કરો. પ્રભુ સન્મુખ થાવ. તેની જ કૃપા મેળવો એટલે મન શુભ ભાવથી ભાવિત થશે
- સુનંદાબેન વોરા
૩૦૬
.
