________________
કામ હોય, તૈયાર !
પૂ. પ્રેમસૂરિજીના સમુદાયમાં પૂ. મણિપ્રભ વિ., પૂ. ધર્માનંદ વિ. આવા વૃષભ મુનિઓ હતા, કોઈપણ કાર્ય માટે હંમેશ તૈયાર જ હોય.
તમે એ માનતા હશોઃ કોઈ કામ ન હોય, ભણવાનું ન હોય તે ગોચરી-પાણી વગેરેનું કામ કર્યા કરે. પણ જાણી લોઃ પૂ. ધર્માનંદવિ. [પાછળથી પૂ. ધર્મજિસૂરિજી] ત્યારે કર્મ પ્રકૃતિ ભણતા હતા. પિંડવાડા વખતે નિશીથ સૂત્ર વંચાવતા હતા. ખૂબ જ પહોચેલા વિદ્વાન હતા, છતાં કામ-કાજમાં પણ એવા જ જોરદાર હતા.
આવા મુનિઓ મુનિ - વૃષભ કહેવાય.
- ચતુર્વિધ સંઘનો એકેક સભ્ય એટલે મોહરાજાની સામે જંગે ચડનારો બહાદુર યોદ્ધો !
ખારા સમુદ્ર જેવા સંસારમાં આપણે સૌ રહીએ છીએ પણ ચતુર્વિધ સંઘના જો આપણે સભ્ય હોઈએ તો સંસારની ખારાશ આપણને કંઈ ન કરી શકે.
બીજા બધા માછલા ખારું પાણી પીએ, પણ શૃંગી મત્સ્ય ખારા સમુદ્રમાં પણ મીઠું પાણી પીએ છે. ચતુર્વિધ સંઘનો પ્રત્યેક સભ્ય શૃંગી મસ્ય છે.
ઉત્તમ આચારજ મુનિ અજ્જા, શ્રાવક-શ્રાવિકા અચ્છજી; લવણ જલધિમાંહે મીઠું જળ, પીવે શૃંગી મચ્છજી.”
-જિનવિજયજી. સાગર ઉતર્યા પછી સમજદાર યાત્રિક જહાજને છોડતો નથી, જહાજને તમે ન છોડો તો સાગરથી પાર ઊતારવાની જવાબદારી તેની છે. તીર્થના આ જહાજનો જો આપણે ત્યાગ ન કરીએ તો ભવ-પાર કરવાની જવાબદારી તેની છે.
મુનિસુંદરસૂરિજીએ અધ્યાત્મ-કલ્પદ્રુમમાં યતિશિક્ષાધિકારમાં મુનિને સારા એવા ટકા માર્યા છે ? તું દિવસમાં નવ વાર કરેમિ ભંતે બોલે, છતાં ફરી-ફરી આવી જ સાવદ્ય ક્રિયા કરે છે ? તો હે મુનિ ! તારું શું થશે ? તું ક્યા મોઢે સ્વર્ગ-મોક્ષની આશા રાખે છે ?
કહે, કલાપૂર્ણસૂરિ-૩
* *
* * * * * * * *
૨૮૩
