________________
એ રીતે આખું અઢીદ્વીપ તીર્થ છે. કારણ કે બધા જ જીવો અહીંથી જ મોક્ષે ગયા છે. અઢીદ્વીપમાં પણ સિદ્ધાચલ સૌથી ઉત્તમ ક્ષેત્ર છે, જ્યાંથી સૌથી વધુ જીવો મોક્ષે ગયા છે. આ ભૂમિનો વિશિષ્ટ પ્રભાવ છે.
અહીં આવતાં વિશિષ્ટ આત્મ-વીર્ય ઉન્નસિત થાય.
આત્મવીર્યને જણાવનાર આઠ શબ્દો છે : વીર્ય, શક્તિ, બલ, પરાક્રમ, ઉત્સાહ, સ્થામ, ચેષ્ટા અને સામર્થ્ય.
આત્મશક્તિ અલગ-અલગ પ્રકારથી કામ કરે છે, માટે તેને જણાવનારા શબ્દો પણ અલગ-અલગ છે. કોઈ શક્તિ ધોબીની જેમ ધોઈને કર્મોને વિખેરે. કોઈ શક્તિ ઉંચી ઊછાળીને નીચે પટકે. કોઈ ફૂટી ફૂટીને કર્મોને વિખેરે. એમ ધ્યાન-વિચારમાં બતાવ્યું છે.
કેવળજ્ઞાનની જઘન્ય-મધ્યમ-ઉત્તમ અવગાહના કેટલી? આવો શાસ્ત્રમાં પ્રશ્ન આવે છે.
આ તેજપુંજરૂપ કેવળજ્ઞાનની અવગાહનાની વાત છે.
ઉત્કૃષ્ટ અવગાહના લોકવ્યાપી, જે સમુદ્દાતના ચોથા સમયે હોય છે. લોકવ્યાપી ધ્યાનથી કેવળીઓ કર્મ ખપાવે છે, તે આ રીતે.
આવો સમુદ્દાત દર છ મહિને એકવાર તો થાય જ. એનો અર્થ એ કે દર છ મહિને એક કેવળજ્ઞાનીની તો મુકાલાત થાય જ છે. આપણી જો ભૂમિકા તૈયાર હોય તો આત્મ-શક્તિમાં ઉલ્લાસ વધે.
સમય સૂક્ષ્મ હોવાથી ભલે પકડી ન શકાય, પણ કાર્યરૂપે અનુભવી શકાય.
ચક્રવર્તીની સ્ત્રીના વાળના સ્પર્શ કરાવવા દ્વારા મોહરાજા જો પોતાનો ચમત્કાર બતાવી શકે તો કેવળીનો સ્પર્શ ચમત્કાર શા માટે ન સર્જી શકે ?
તમે સંપાદિત કરેલ ‘કહે, ક્લાપૂર્ણસૂરિ'' નામની પુસ્તિકાનો સાભાર સ્વીકાર છે. શ્રુતભક્તિની ભૂરિ ભૂરિ અનુમોદના.....
આચાર્ય વિજય પ્રભાકરસૂરિ
અમદાવાદ
કહે, કલાપૂર્ણસૂરિ-૩
ક
૧૯૫
