________________
મનને સ્થિર બનાવવા વર્ષો સુધી સતત સાધના કરવી પડે.
મન મોહને આધીન છે. એટલે એ કૂદાકૂદ કરતું જ રહેવાનું. મનરૂપી આ વાંદરો કૂદાકૂદ ન કરે તો જ નવાઈ.
ધારણા દ્વારા થોડુંક મન સ્થિર બન્યા પછી થોડીક સ્થિરતા આવવા માંડે છે.
પછી બીજી અવસ્થા આવે છે ? યાતાયાત ! થોડીકવાર સ્થિર રહે. વળી અસ્થિર થાય.
કોઈક મહાત્માએ જો ધ્યાનમાં સ્થિરતા મેળવી હોય તો સમજવું: વર્ષોની સાધના જ નહિ, કદાચ જન્માંતરની સાધના હશે !
આ બધા પદાર્થો અભ્યાસ વિના ન સમજાય.
આપ કૃપાલુ દ્વારા મને યાદ કરીને મોકલાવેલ પરમ પૂજ્ય ભગવાન કલાપૂર્ણસૂરિજીના ભાવોને રજુ કરતું પુસ્તક “કહ્યું કલાપૂર્ણસૂરિએ” મળ્યું. ખૂબ ખૂબ આભાર.
પુસ્તક મળ્યું, ખૂબ જ આનંદ થયો. પરમાત્મ-સ્વરૂપ પૂજ્યશ્રીના પુસ્તક માટે અલ્પજ્ઞ એવો હું કોઈ પણ અભિપ્રાય આપું એ ભગવાન કલાપૂર્ણસૂરિજીનું અવમૂલ્યન કરનાર બને એવું લાગે છે.
જે વાંચતા જ આત્માના ભયાનક આવેશ-આવેગ વગેરે ભાગી જઈ શાંત-પ્રશાંત-ઉપશાંત અવસ્થા(સ્વની) પ્રાપ્ત કરાવે એવું આ શાસ્ત્ર અનેક ભવ્યાત્માને આત્મ-કલ્યાણકારી બનશે જ એ શંકારહિત વાત છે. અસ્તુ......
- વિમલહંસવિજય,
બારડોલી.
૧૨૬
.
