________________
દ્વાત્રિશિકાના ૧૧માં શ્લોકમાં જણાવે છે કે હે ભગવાન! ચાર કારણોથી તમારાં આગમો જ સપુરુષોને પ્રમાણભૂત છે. પહેલું કારણ છે જગતના જીવમાત્રના હિત માટેનો ઉપદેશ આમાં આપવામાં આવ્યો છે. એમાં આવતી કોઈ પણ વાત એવી નથી કે જેથી કોઈ પણ જીવનું અહિત થાય.
બીજુ કારણ આ આગમોની પ્રરૂપણા કેવળજ્ઞાની ભગવન્તોએ કરેલી છે. એટલે તેમાં અંશમાત્ર પણ અસત્ય હોવાનો સંભવ નથી.
ત્રીજું કારણ એનો સ્વીકાર કરનારા પુરુષો સામાન્ય નહિ પણ વિશિષ્ટ પ્રકારના છે. સંસારની આધિ-વ્યાધિ અને ઉપાધિથી જલ્દીથી જલ્દી મુક્ત થવાની ઈચ્છાવાળા ઉત્તમ સાધુ પુરુષો દ્વારા એનો સ્વીકાર કરવામાં આવ્યો છે અને ચોથુ કારણ છે. પૂર્વાપાર વિરોધરહિતતા. અહિં પહેલાં જે ભાવોનું પ્રતિપાદન કરવામાં આવ્યું હોય પછી પણ તેના જ સમન્વયવાળું પ્રતિપાદન કરવામાં આવે છે. એટલે કે પૂર્વના વચનનો પછીના વચનની સાથે કોઈ જાતનો વિરોધ આવતો નથી. શ્રી જિનશાસન જયવંત છે. અને એનું કારણ છે શ્રી જિનાગમની મોંઘેરી મિલકત. જિનાગમ તે જ જિનશાસનઃ જિનાગમવિહોણાં જિનશાસનના અસ્તિત્વની કલ્પના પણ કપરી લાગે છે.
(જ્ઞાનધારા ૬-૭
૨૦
જૈિનસાહિત્ય જ્ઞાનસત્ર ૬-૭)
