________________
કે બૅરિસ્ટરની સલાહ લેવાની જરૂર છે. આખું બંધારણનું ખોખું તૈયાર કરવાનું છે.
વેશભૂષા - વસ્ત્ર તો સફેદ-સાદા રહેવા જોઈએ, પરંતુ સુવ્રતની ઓળખાણરૂપે કોઈ પણ નાનો ફેરફાર કરી વેશભૂષા નક્કી કરવી જોઈએ. સાધુ જેવો વેશ રાખે તો ચોલપટ્ટક, પછેડી ઉપરાંત કેટલાક સીવેલાં કપડાં પહેરી શકે છે. મુહપત્તીમાં “અરિહંત' શબ્દ અથવા “જય અરિહંત' એવો શબ્દ મૂકવાથી સુવ્રતની ઓળખાણ નિશ્ચિત થઈ જશે. છતાં પણ જે સદસ્યો સુવ્રત કે સુવ્રતા બનવા માગે છે. તેમની પ્રથમ મિટિંગ કરી તેની સલાહ લેવાની રહેશે અને તેની અનુકૂળતા કે પ્રતિકૂળતાને ધ્યાનમાં રાખવી પડશે. વેશભૂષા ઘણું મહત્ત્વપૂર્ણ બિંદુ છે અને એક વખત નિશ્ચિત થયા પછી વારંવાર ફેરફાર થઈ શકશે નહીં. ફેરફાર ન કરવો તે જરૂરી પણ છે. મુહપતીની લંબાઈપહોળાઈ થોડી ઓછી કરવાની રહેશે જેથી જોતાં જ વરતી શકાય કે આ સુવ્રતની મુહપત્તી છે અને તે સુવ્રત છે. અમે આ ટૂંકમાં ઇશારો કર્યો છે.
દીક્ષા :- જે ભાઈ-બહેન સુવ્રતા બનવા તૈયાર થાય તેને છાને ખૂણે દીક્ષા ન અપાય, પરંતુ જાહેરમાં પાંચ સંઘોની હાજરીમાં સંચાલક સમિતિની અનુમતિથી દીક્ષા આપવામાં આવે. સુવ્રત કે સુવ્રતાની યોગ્યતા પર ધ્યાન આપવામાં આવે.
ઉમર :- ૧૮થી ૪૦ વર્ષની ઉંમર હોવી જોઈએ. તેનાથી વધારે વયસ્ક હોય અને યોગ્યતા લાગે તો વિશેષ અનુમતિ આપી શકાય છે. ઉંમરનો ખ્યાલ ભાઈ-બહેન બંનેને માટે સમાન રૂપે લાગુ પડશે.
વ્રતાર્થીને કોઈ મોટો રોગ ન હોવો જોઈએ. શરીર સ્વસ્થ જરૂરી છે. વ્રતપાલન અને સેવાપ્રવૃત્તિ બંને કરી શકે તેવું આરોગ્ય હોવું જોઈએ.
વ્રતાર્થી કોઈ મોટા કરજદાર ન હોવા જોઈએ તે જ રીતે કોઈ મોટી સંપત્તિના માલિક ન હોવા જોઈએ. તેણે પોતાના નામની સંપત્તિના ત્યાગ કરીને વ્રત ગ્રહણ કરવા જોઈએ: (જ્ઞાનધારા ૬-૭ ૧૨૫
જૈનસાહિત્ય જ્ઞાનસત્ર ૬-૭)
