Page Text
________________
दृष्टांत : १०५-१०७
१०५. लुगायां गाळ्यां गाबा लागी
स्वामीजी घर में छतां सासरे जीमवा गया | जद लुगायां गाळ्यां गायवा लागी 'कुंण काळजी काबरी' इम गावै ।
जद स्वामीजी बोल्या -थे खोडा आंधां नै तौ चोखौ बतावौ नै मोनें ॐधी बोली । स्वामीजी रौ साळो खोड़ो हुंतौ । तिणसूं स्वामीजी कह्यौ — थे खोटा न तो चोखो कहौ अने चोखा नें खोटौ कहो । इम कही नै बिना जीम्यां भूखा इ उठ गया । घर मै थकाई झूठ नीं चिड़ हुंती सो झूठ न सुंहावतौ ।
१०६. गैहणो कठासूं आसो ?
घर मै छतां कंटाळौया मै कोई रो गैहणौ चोर ले गयो । जद 'बोरनदी' सूं आंधा कुम्हार नै बोलायौ । कुंभार रे डील में देवता आवतौ कहे, तिणसं तेहनें गैहण बतावा बुलायो ।
कुंभार स्वामीजी ने पूछ्यौ - भीखणजी अठे किण रौ भर्म करै । जद स्वामीजी इण रौ ठागौ उघाड़ करवा कह्यौ - भर्म तो मजन्यां रो कर है । हि रात्रि आंधे कुंभार देवता डील अणायौ । घणां लोक देखतां हाका करे । न्हांख दे रे ! न्हांख दे
1
जद लोक बोल्या -- नाम बतावौ । जद बोल्यौ ओ-ओ-ओ-मजन्यौ रे मजन्य, गैहणा मजन्यै लीयौ । जद अतीत घोटौ लेइ नै उठ्यौ । मजन्यौ तौ म्हारा बकरा रौ नांम है, म्हारै बकरे रै माथै चोरी देवौ । जद लोकां ठागौ जायो ।
स्वामीजी लोकां नै कौथे सूझतां तो गेहणौ गमायो ने आंधा कनां सूंढा सो गैहण कठासूं आसी ?
१०७. इसी दोहरो जद मुक्ति मिले
भीख जी स्वामी ने घर मै छतां वैराग आयौ । जद कैरां रौ ओसावण तांबारा लोटया मैं घाले नै ठामतां री बंडेळ मै मेळ्यौ । घणी वेळां सूं पीतां कष्ट घण हुवौ । तिवारै विचार्यो साधपणौ दोहरौ घणों । वले विचार्यौ इसो दोहरौ जद मुक्ति मिलै । नवौ साधपणौ लीयां पछै इकावनां मेरे आसर हेमजी स्वामी नै स्वामीजी कह्यौ -इसौ जाणने साधपणौ लियौ । पिण इसौ पांणी पीवा रौ कदे इ काम पर्यो दीसै नहीं । जद हेमजी स्वामी बोल्या - इसा वैराग सूं आप घर छोड्यो जद उणां मै किस लेखे रहौ ।
| SR No. | 032435 |
| Book Title | Bhikkhu Drushtant |
| Original Sutra Author | N/A |
| Author | Jayacharya, Madhukarmuni |
| Publisher | Jain Vishva harati |
| Publication Year | 1994 |
| Total Pages | 354 |
| Language | Hindi |
| Classification | Book_Devnagari |
| File Size | 21 MB |