________________
दृष्टांत : ९८-१०१
९८- साध इज बाजे किणहि पूछ्यौ-भीखणजी थे और टोळा वाळा नै असाध सरधौ तौ यांने अमुक टोळे रा साध, अमुक टोळे रा साध यूं क्यूं कही।
जद स्वामीजी बोल्या-कोइरै किरीयावर थयां गाम मै नेहता फेरे। जद कहै-अमकड़ीया रै नैहतो खेमांसाह रै घर रौ। अमकड़ीया रै नैंहतो पेमांसाह रा घर रौ । अन त्यां देवाळी काढयौ हौ तौ ही साह बाजै । ज्यू साधूपणौ न पाळे अनै साधू रौ नाम धरावै तौ ते द्रव्य निक्षेपारे लेखै साध ईज बाजै।
९९. किमत तूं कर ले किणहि पूछ्यौ-एतला टोळा है ज्यां मै साध कुण नै असाध कुण ?
जद स्वामीजी बोल्या-कोइ ने आंख्यां न सूझै तिण पूछ्यौ-सहर मै नागा किता नै ढकीया किता? __ जद वैद्य बोल्यौ-आंख्यां मै औषध घालनै सूझतौ तौ हूं कर देऊ, नागा ढकीया तूं देखलै ।
ज्यू ओळखणा तो म्हे बताय द्या, साध असाध तं देख लै । पेलां रो नाम लेइ असाध कह्यां, आगलो कजीयौ करै। तिणसूं ज्ञान तो म्हे बताय द्यां पर्छ कीमत तूं कर ले।
१००. साध कुंण ? असाध कुंण ? वलि किणहि पूछ्यौ-यां में साध कुंण नै असाध कंण ?
जद स्वामीजी बोल्या-किण ही पूछ्यौ-सैहर मै साहकार कुंण देवाळ्यौ कुण ? लेयनै पाछौ देवै ते साहूकार । लेयनै पाछौ न देवै मांग्यां झगड़ो करै ते देवाळ्यौ । ज्यूं पांच महाव्रत लेयनै चोखा पाळे ते साध अनै न पाळ ते असाध ।
१०१. म्हारो तौ जीव जावै है ? कोइ बोल्यो- अणुकम्पा आणनै काचौ पाणी पायां पुन्य है, कारण उणरा परिणाम चोखा है जीव बचावा रा। पिण पांणी रा जीव हणवारा भाव नहीं।
जद स्वामीजी बोल्या-कोई कटारी सूं किण ही नै मारवा लागौ। जद ते बोल्यौ-मोनें मार मती।
जद ते आदमी बोल्यौ-म्हारा तोनें मारवा रा भाव नहीं। हूं तो कटारी नी कीमत करू छू-आ कटारी किसीयक वहणी छै।
