Page Text
________________
भिक्खु दृष्टांत पछै भायां गुलाब ऋष सू चरचा करनै घणों कष्ट कीधौ। __जद क्रोध करने बौल्यौ-गोधूदा नां भाया ठीकरी रा रुपिया छै । घणों फोटो पड़ने चालतो रह्यो। __ पछै गौदा रा भाया स्वामीजी नै अठारै सो बाइस पानां री भगवती बहिराइ । दूजो पन्नवणां सूत्र वहरायो ।
९१. एक भीखण बाकी रह्यौ है। पाली मै खंतिविजय संवेगी रुघनाथजी सं चरचा कीधी--किणहि साधां नै मिश्री रै भोळे लंण वहिरायौ। खंतिविजय तौ कहै-फाक जांणी पात्रे आय पड़यो तिण कारण, अनैं रुघनाथजी कहै-धणीनै भूळावणी अथवा परठ देणौ । ब्राह्मण नै साइदार थाप्यौ।
ते पिण बोल्यौ-फाक जांणो।
पर्छ रुघनाथजी आचारांग काढ्यौ। जद खंतिविजय रुघनाथजी कनै सूं पानी खोस नै फाड़ न्हांख्यौ । घणां लोग लुगायां सुणतां कष्ट कीधा । जद संवेगीयां री बायां गावा लागी
ज्ञानी गुरु जीता रे जीता सूतर रे परताप ज्ञानी गुरु जीता रे जीता।
जद रुघनाथजी घणां उदास हुआ। पछै श्रावका नै कह्यौ-इणनै जीते जिसौ तो भीखण है । म्हे बाइसटोळा साचा ज्याने इ झूठा पाड़े है तौ औ तौ प्रत्यख तांबा रौ रुपइयो है सो इणनै तौ हटावणौ सोरौ है। जद त्यारां श्रावक स्वामीजी रा श्रावका नै कहिवा लागा-थांरा गुरु मेवाड़ मै है सौ वीणती मेल नै बोलावो।
पछ स्वामीजी पिण मेवाड़ थी मारवाड़ पधाऱ्या। पाली मै उणांरा श्रावक स्वामीजी ने कहिवा लागा-पूजजी कह्यौ है-खंतिविजय नै चरचा कर नै हठावौ । खंतिविजय ऊधौ घणौ बोले-ढूंढ़ियां रा मुंहढा मै आंगुळी घाती पिण दांत देख्यौ नथी। एक भीखण काळियौ रह्यौ है । इसौ ऊधौ बौल।
० निक्षेपां री चरचा पछै स्वामीजी विचरता-विचरता काफरला पधाऱ्या । खंतिविजय पिण पीपार नां घणां श्रावका सू देवळ नी प्रतिष्ठा हुवै त्यां आयो।
खंतिविजय नै घणां लोक कहै भीखणजी सूं चरचा करणी । एकदा कुंभारां रै वास मै मारग बहता साह्मौ मिल्यो। स्वामीजी नै पूछ्यौतांहरो नाम कांइ ?
स्वामीजी बोल्या--म्हारो नाम भीखण । ' ' खतिविजय बोल्यो-उवे तेरापंथी भीखणजी-ते तुम्हे ? जद स्वामीजी बोल्या-हां उवेईज।
| SR No. | 032435 |
| Book Title | Bhikkhu Drushtant |
| Original Sutra Author | N/A |
| Author | Jayacharya, Madhukarmuni |
| Publisher | Jain Vishva harati |
| Publication Year | 1994 |
| Total Pages | 354 |
| Language | Hindi |
| Classification | Book_Devnagari |
| File Size | 21 MB |