________________
दृष्टांत : ५८-६१
स्वामीजी बोल्या-आलोवणा कीधी। वलि हेम पूछयौ-कांइ आलोवणा कीधी ? जद स्वामीजी बोल्या-कैहणी नहीं।
५८. लड़नौ ह तो म्हासू लड़ पुर बारै स्वामीजी दिशा पधाऱ्या । जद एक भेषधारी आडौ फिर्यो। दोलौ कंडीयौ काढ्यौ । भखर करवा लागौ । जद एक गुवाळियौ आयौ उणनै कह्यौ-यां गुरां सं मतकर । भारमलजी स्वामी कनै ऊभा ज्यां आश्री कह्यौ यां तूं कर, लड़नौ ह तो म्हातूं लड़।
५९. चोका रा नैहता, जीमावै एकीका नै साधुपणी लेइ चोखौ पालै ते मोटा पुरुष। कइ कहै-पांचमां आरा मैं साधुपणौ पूरौ पळे नहीं, इसौहीज अबारू निभै । तिण ऊपर स्वामीजी दिष्टंत दीयौ-किणही चौका रा नैहता फेऱ्या, अनै जीमण वेला एकीका नै माहै आवा दैवै।
लोक कहै-तें चौका रा तौ नैहता दीया नै एकीका नै आवा दै ते क्यू ।
जद कहै-म्हारी पौहच इतरी ज है। अमकडीऔ तो आपरै बाप रै लारै धूल उड़ाई, किरीयावर कीधौ नहीं। हूं तौ एकीका नै तौ आवा देवं
छु ।
. जब लोकां कह्यौ-तई न कीधौ हूंतौ तौ कुण थारै बारण बैठौ हो। तु चोका रा नैहता दे नै एकीका ने जीमावै है सो थारौ जमारौ बिगड़े है ?
ज्यू लेवा री वेळां तौ पांच महाव्रत आदरया अनै पाळवा री वेळां पूरा पाळे नहीं तिणरौ पिण इहलोक परलोक बिगड़े।
६०. दीवाळ यो कुण? ___ साधु रौ आचार बतायां सू केइ ढीला भागळ निंदा जाण । तिण ऊपर स्वामीजी दिष्टांत दीयौ-एक साहूकार बेटा नै सीख देव-लेवै जिण रौ पाछौ देणौ । न दीयां लोक देवाळ्यौ कहै। पाड़ोसी देवाळ्यौ ते सुणनै कठै । कहै-बेटा नै सीख न दै म्हारी छाती बाळे है । ज्यू साधु साधु 'रौ आचार बतावै जद भेषधारी सुणनै कूडै । कहै-म्हारी निंद्या करै है।
६१. समझू जाण
कोई कहै सावद्य दान मैं म्हारै मौन है। यूं न कहां-तू दै। इम कहै
