Page Text
________________
भिक्खु दृष्टांत जी, कोजीरामजी आया। उवै ऊतर्या तिहां स्वामीजी जाय ऊभा। प्रश्न पूछ्यौ-अणुकम्पा आंणने किण ही भूखा मरता नै मूळा दिया, तिणनै कांइ
हुवौ ?
जद उवे बोल्या-इसौ प्रश्न तौ मिथ्याती हुवै सौ पूछ ।
जद स्वामीजी बोल्या-पूछणवाळां तौ पूछ लीयो। पिण कहिणवाळा कह्यां मिथ्याती हुवै तौ मत कहो।
जद ते बोल्या-म्हे तो कहां छां-मूळाँ मै पाप, पाप ।
जद स्वामीजी कह्यौ-मूळां मै तो पुन-पाप दोनूं है। पिण मूळा अणुकंपा आणने र वायां केइ मिश्र कहै । जद कह्यौ-मिश्र कहै सो पापी।
फेर पूछ्यौ–केई पाप कहै । जद कह्यौ-पाप कहै सोई पापी। फेर पूछ्यौ-केई पुन कहै । जद त्यां कह्यौ-पुन कहै सोई पापी । जद स्वामीजी फेर विचारणा ऊंडी कर नै बोल्या-केई पुन सरधै है। जद त्यां कह्यौ-सरधसी मन आइ ज्यूं ।
जद स्वामीजी कह्यौ-थारे श्रद्धा पुन री। थे पुन परूपौ नहीं, पिण पुन सरधौ हो । इत्यादिक कहि कष्ट करी ठिकाणे पधाऱ्या ।
१२. देवलोक रो जावणहार या नरक जावणहार ? पाली मै एक जणौ भीखणजी स्वामी सुं चरचा करतां ऊधौ अंवळौ बोले । कहै--थांरा श्रावक इसा दुष्टी सो किण ही रा गळा मांहिं थी पासी नहीं काढे। __ घणौं विपरीत बोलतां स्वामी भीखणजी बोल्या-थारा नै म्हारा मत कहो, समचै इ बात करो।
जब कांयक नजीक आय ने कहै-कांइ समचै बात कहौ ? __तब स्वामीजी बोल्या-एक जण रूखड़ा सूं पासी खाधी। दोय जणा मारग जाता उणनै देखी। पासी काढे ते किसोयक ? अनै नहिं काढे ते किसोयक ?
तब ते बोल्यौ-पासी काढे ते महा उत्तमपुरुष, मोख रौ जावणहार, देवलोक रौ जावणहार, दयावंत। घणा गुण कीधा। नहीं काढे जिको महापापी, महादुष्टी, नरक रौ जावणहार।
जद स्वामीजी कह्यौ-थे नै थांरा गुरु दोनूं जणां जाता हा। उणरी पासी कुण काढे ?
जब उ बोल्यौ-हूं काढूं । थारा गुरु काढे क नहीं ? जब कहै-उवे क्यांनं काढे । उवे तो साधु है । जब स्वामीजी कह्यौ-मोख देवलोक रौ जावणहार तौ तूं ठहर्यो।
| SR No. | 032435 |
| Book Title | Bhikkhu Drushtant |
| Original Sutra Author | N/A |
| Author | Jayacharya, Madhukarmuni |
| Publisher | Jain Vishva harati |
| Publication Year | 1994 |
| Total Pages | 354 |
| Language | Hindi |
| Classification | Book_Devnagari |
| File Size | 21 MB |