Page Text
________________
२५३
दृष्टांत : २१
जद भीमजी बोल्यौ-भीखणजी रा साध उठे है, त्यां कनै पिण जावा हां । अने उठे जैमलजी री आर्यां है, त्यां कनै पिण जावां हां।
पछे हेमजी स्वामी ने पूछ्यौ-थांरे गुरु कुंण ?
जद हेमजी स्वामी तीखा बोल्या-म्हारै गुरु है पूजश्री भीखणजी स्वामी।
जद हीरजी बोल्यौ-इसा तीखा बोलौ हौ कांई चरचा करण रौ मन है ?
जद हेमजी स्वामी बोल्या-थारौ मन हुवै तौ भला ई करौ।
जद हीरजी पूछ्यौ-गायां घर मै बळती थी तिण रा घर रौ किंवाड़ खोल्यौ, तिण नै काई थयौ ?
जद हेमजी स्वामी बोल्या-थे किंवाड़ खोलौ के नहीं ? जद हीरजी बोल्यौ-म्हे तो किंवाड़ खोल देवां।
जद हेमजी स्वामी बोल्या---म्हे तो कहां आ भावना इ खोटी “कद गायां वळे नै हूं वारे काढू," इसी भावना इ आछी नहीं। इसी भावना तौ भावणी-"साधु आवे तो हूं बखांण सुणं, आहार पांणी वहिरावू, सामायक पोषा करू," ए भावना तौ चोखी अने गायां बळवा री तौ भावना इ खोटी। जद हीरजी कष्ट हुवौ या चरचा छोड़नै दूजी चरचा करवा लागौ । भीखणजी कहै.--"थोड़ा दोष सूं साधपणौ भागै" सो ए बात मिलै नहीं। जिम एक साहूकार रे प्रदेशां थी माल री जिहाजां आई सो अड़तालीस ओर्यो भरी इतले एक जाचक आयौ साहूकार नी विरदावळियां बोली । जद साहूकार राजी हुवौ । अड़तालीस ओर्यो नी कुंच्यां मुंहढा आगे मेल दीधी। कहे एक कूची उठाय लै। जिण ओरी मै माल निकळे सो थारो । जद एक कंची उठाय नै ओरी खोली देखै तौ सींदरा सूं भरी। पाछौ आय नै कहेसेठजी सिंदरा नी ओरी निकळी सो सींदरा सं काई पासी लेउं ? तिवारे दूजीबार साहूकार ते कूची सर्व कंचिया भेली न्हाख नै कहै-फेर उठावौ । जद तिण वले कंची लीधी। सो उवा की उवा सींदरा नी ओरी नी कंची आई । ओरो देख नै पाछौ आय कहै-सेठजी उवा सींदरा नी ओरी ज आई, म्हारा भाग मै सींदरा इज है। जद साहूकार गुमासतां नै पूछयौ-जोवौ सिंदरां ना कोई दांम लागा ? जद गुमासतां बही देख नै कह्यौ-४८ हजार रुपैया लागा। ते सींदरा जिहाजां रा लंगड़ नांखवा नां हुंता। जद तिण न ४८ हजार रुपीया दीधा ।
हीरजी बोल्यौ-त्यां सींदरा ना इ ४८ हजार रुपीया आया तो जिहाजां माहिला माल रा तो अनेक लाखां रुपीया होसी । ज्यूं जिहाजां रा माल समांन साधुपणौ, अने सींदरा ना दांम जिसा दोष सूं खाली किम हुवै ?
जद हेमजी स्वामी बोल्या-इक्यासी पाटीयां री जिहाज पिण विच एक पाटीयौ कोई नहीं, वेसण वाला भोळा मांहे माल भर नै जिहाज चलाई
| SR No. | 032435 |
| Book Title | Bhikkhu Drushtant |
| Original Sutra Author | N/A |
| Author | Jayacharya, Madhukarmuni |
| Publisher | Jain Vishva harati |
| Publication Year | 1994 |
| Total Pages | 354 |
| Language | Hindi |
| Classification | Book_Devnagari |
| File Size | 21 MB |