________________
७. वीर विभू बरतारै चोथै आर में रे,
होती यूं जैनागम में गुरु गावे रे। सा रचना प्रत्यक्ष प्रलोकी लोचनां रे, भैक्षव - शासन तेरापंथ-प्रभावे रे । । ८. सुखे सुखे सुखकारी पावस पूरियो रे, पाई प्रवर प्रख्याती देश-प्रदेशां रे । जोधाणै जस- डंको बंको बाजियो रे, पुण्यवान रै पग-पग लाछ हमेशां रे ।। ६. पावस कर एकम मिगसर मध्याह्न में रे,
पुर-बाहिर परदेशी - प्रवचन ठायो रे । महामन्दिर दिन दूजै, सायं तीज नै रे, भंडारीजी' रै बंगलै छक छायो रे ।। १०. ' रातानाड़े' चौथ पंचमी पांगऱ्या रे, 'झालामंड' अखंड ग्राम हरसायो रे । बलि 'रोयट' जय-जन्मभूमि री फरसणारे, 'पाली' शहर पवित्र चरण-रज पायो रे ।। ११. माघ- महोत्सव कारण 'सुधरी' संघ को रे, हार्दिक विनय सुणी गुरु गोर करावै रे । श्रीमुख हुकम उचारी टारी तरषणा रे 1 मालिक बिन कुण दूजो आश पुरावै रे ।। १२. तेरह दिवस विराज्या तेरापथ-पती रे,
'पाली' में जो श्रमण - सती बहु भेळा रे । विचराया अब कांठे गामोगाम में रे, मिलज्यो पाछा 'सुधरी' मोच्छब मेळा रे ।। १३. सात रात 'चाणोद' विराज्या स्वामजी रे, 'गोडवाड़' रो नाको निजऱ्यां ठावै रे । पाछा बाहुड़ हो 'बीठोड़े' 'एदला' रे, गुरु 'गुंदोच' 'खेरवै' वास करावै रे ।।
१. उम्मेदराजजी भंडारी
उ.४, ढा. ८ / ६५
