________________
हो म्हांरा शिरसेहरा ! ओ उपकार अमाप जो, कब उऋणता पास्यूं मन संशय भयो रे लोय । । २८. हो गुरु गुणगेहरा ! आ' र समय अवधार जो, कुण दिन रीतो बीतो आप न तेड़ियो रे लोय' । हो म्हांरा शिरसेहरा ! पश्चिम रात सुप्यार जो, बारम्बार चितारण कारण नेड़ियो रे लोय ।। २६. हो गुरु गुणगेहरा ! दीक्षा दिन प्रारंभ जो, आज लगे इकसरखी महर महेश री रे लोय । हो म्हांरा शिरसेहरा ! अद्भुत अकथ अचम्भ जो, निष्कारण करुणा प्रतिपल प्राणेश री रे लोय ।। ३०. हो गुरु गुणगेहरा ! मैं मिहनत - दातार जो, पल-पल छिन छिन आजीवन गुरुवर ! रह्यो रे लोय । हो म्हांरा शिरसेहरा ! आप जिसा दिलदार जो, पामर नै अजरामर पद दे निर्वह्यो रे लोय ।। ३१. हो गुरु गुणगेहरा ! (अब) जास्यूं किण रै पास जो, किनै सुणास्यूं म्हांरै मन री वेदना रे लोय । हो म्हांरा शिरसेहरा ! कुण देसी आश्वास जो, कुण हर लेसी संशय हृदय - कुरेदना रे लोय ।। ३२. हो गुरु गुणगेहरा ! 'तुलसी' 'तुलसी' नाम जो,
कुण बतलासीकिण स्यूं करस्यूं मन्त्रणा रे लोय । हो म्हांरा शिरसेहरा ! ओ गुरुतर गणधाम जो, किणविध होसी नव निर्माण नियंत्रणा रे लोय ।। ३३. २२ मन पंछिया रे लोय, अपणा संचिया रे लोय,
सरसी भुगत्यां रे, नहिं किणरी जुगत्यां चलै । जो भवितव्यता रे लोय, हुई न नव्यता रे लोय, कर्म निकाचित रे, कहो कहीं टाळ्या टकै ? ३४. भागी पूतलो रे लोय, पावन भूतलो रे लोय,
,
नहिं ऊणायत, रे, किंचित गुरु-बरतार में, ओ मन आपणो रे लोय, आमण-दूमणो रे लोय, निज - निज स्वारथ रे, नहिं जाणो विस्तार में ।।
१. देखें प. १ सं. ६६
२. लय : ज्यां सिर सोवता रे लोय
२२० / कालूयशोविलास-२
