________________
४१. खिलक्कत कित्त कुरंग सियाल, मिलक्कत मांजर मोर मुषार ।
सिलक्कत सांभर सूर शशार, ढिलक्कत ढक्कत ढोर ढिचार ।। ४२. विचार करै मन में मृगराज, निजालय में निज आसन साज ।
अहो अजब गजबां गति आज हुई वन में अति शांति सकाज ।। ४३. पराजय पावय है मम प्रान, नहीं भय भावय आरन जान ।
भमन्त इतस्तत मोद हि मान, गरूरित गात निजो निज गान । । ४४. नभस्तल अस्त हुयो उडुराज, तथापि न छाजत धान्तधिराज ।
बिना पुफदन्त प्रकाशित प्राज, इलातल दिग्गज आज समाज ।। ४५. लह्यो नहिं हेत गयो कित धाम, रह्यो नहिं थाम धुजावन धाम ।
कहीं अहिं आ उतर्यो जिन जाम, अहिंसक में अखिलेश्वर स्वाम ।। ४६. बहै जग में जिणरी उपमान, थवा प्रगट्यो गनरान हि आन ।
गठ्यो दिल में सुघट्यो अनुमान, उठ्यो झट गह्वर स्यूं मृगरान ।। ४७. परक्खन हेत हरी परतक्ख, दरक्खन ओट करी दिल दक्ख ।
धरक्खन रो मिष ठाण सताब, हरक्खनतें अब जाचत जाब । । ४८. कहो करुणामय राजत केथ, निराग निरामय संघ समेत ।
नहीं प्रतिवाच उवाच जितेत, पुनी हणणीहट सिंह सहेत । । ४६. करो करनाल सताल करग्ग, भरी भर वारुद वार उदग्ग ।
छरी छणणाहट ते छगमग्ग, मुनीश तटस्थित मानव वग्ग ।। ५०. सुनी मृगराज अवाज सतोल, धुनी सिर ढाब लियो निज बोल । चुनी शुभ छन्द कह कर कोल, मुनीपति 'मोतिय दाम' अमोल ।।
दोहा
५१. इण कारण अद्भुत हुई, पंचानन - आवाज ।
इ कारण प्रतिरव हुयो, करनाली रो प्राज ।। ५२. वितथ म समझीज्यो सुघड़, मम मन रो अंदाज । करनाली पर केशरी, मौन रह्यो किण काज ।। 'मुनिप ! महान मनोबली ।
५३. अक्षय तृतीया रात रो, ओ वरणन रे अक्षय सुविशाल । चौथे उल्लासे कही, गणि 'तुलसी' रे आ दशमी ढाळ ।।
१. लयः भवन सुन्दरि जय सुन्दरी
उ. ४, ढा. १० / १०५
